TAWARIKH 2 25:16 - Alkitab Singog In Mongondow Masa In Tanaa

¹⁶ “Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”

TAWARIKH 2 25:16 Mawu Ofanana

TAWARIKH 2 10:15

Onu in pinoigum in rayat tua in diábí pinandungneamai. Táe tua in inta kinoibogbí i Tuhan Allah. Onu inta pinoguman i Tuhan pinongin i Nabi Ahia nongkon Silo soaḷ ki Yerobeam ki adí i Nebat in mustibí mobaḻí.

TAWARIKH 2 16:10

Tosingogon i Nabi Hanani tatua nokotorú totok kon i Asa nodapot in pinobonunea kon ponjara in nabi tatua. Kon dodai intua ki Asa in nopororigadon kon tongonumai in rayatnea.

TAWARIKH 2 18:25

“Domok in sia!” parenta i Datu Ahab, “bo diá in sia kon i Amon, walikota, bo kon i Pangeran Yoas.

TAWARIKH 2 24:20

Bo Roho i Allah in nongawasa kon i Zakharia ki adí i Imang Yoyada. Ki Zakharia in sinimindog kon tayowon in rayat bo nomaḷú, “Ki Tuhan Allah in noguman, ‘Nongonu sin moiko in diábí motoindudui kon parenta-Ku mita bo mopoboditobí in awakmu tontaní. Moiko in diábí mopandungmai kon i-Nakó, dá Akuoi in diábí domandon mopandungmai kon i monimu!’ ”

TAWARIKH 2 24:21

Táe rayat in noyopopogdon momayow kon i Zakharia, bo ki Datu Yoas in dinumudui kon pinoyopopogan tatua. Diá bidon kinotoropannea in onu inta inaidan bo kotoindudui i Yoyada, ki amá i Zakharia. Pinodoyon kon parenta i datu, ki Zakharia in inandur in batu nodapot in minatoi kon bosí in Baḷoi Tuhan. Kon dodai in matoidon, ki Zakharia in nomaḷú, “Igumon mako indoian i Tuhan in aidmu tanaa bo motuḻí.”

TAWARIKH 2 25:15

Aidnea tatua nokopomuká kon torú i Tuhan. Nopotabá in Sia kon nabi tobatú minayá kon i Amazia. Nabi tatua in noguman, “Nongonu sin ki Tuang in nosumbabí kon dewa in bangusa ibanea inta diábí mokoposaḷamat kon bangusanea tontaní nongkon kawasa i Tuang?”

TAWARIKH 2 25:17

Ki Amazia datu in Yohuda takin mononongginanea nopopogdon monayow kon Israel. Nopotabá in sia in totabá kon i Yoas datu in Israel, ki adí i Yoahas, ki ompu i Yehu, sin monontot kon inia moparang.

IḶUAIAN 10:28

Guman i datu kon i Musa, “Bayádon nongkon tayowonku! Dikadon bui iko mamangoi mokipogontong kon inakó! Aka buipa doman ontongonku in pogotmu, yo matoidon in iko!”

IḶUAIAN 9:16

Táe pinomayá-Kupa mako moiko in nobiag, sinbá Akuoi in motaaupa mopoontong in kawasa-Ku kon inimu, sinbá tangoi-Ku totokdon kotaauan in bayongan intau kon dunia naa.

AMSAL 1:29

Moiko in naonda bo intau inta diápa nokoimontanmai in moibog motayak kon sinotaau, bo doí dumudui kon i Tuhan.

AMSAL 1:30

Moiko in diábí kon dodai in onda in moibog motarima kon tongginaku mita andeka moindoimai kon toboḷowku mita.

YESAYA 46:10

Nongkon pinomangkoianmai pinotaau-Kudon in onu inta mobaḻí kon singgai moiduduimai, nongkon dungkuḷpabímai ain sinoḻindap-Ku onu in mobaḻí. Guman-Ku: Onu inta ain sinantú-Ku in mobaḻíbí, onu in koibog-Ku in notantúbí kon aidan-Ku!

YEREMIA 2:19

Aidmu tontaní inta moraat in mohukum kon inimu tontaní iko in nororiga popisí in nondoí kon i-Nakó, ki Allahmu. Tanaa in nanamnea totuu mopait bo mopomporí aka Akuoi toḻikudanmu bo diá horomatonmu. Akuoi, ki Tuhan Allahmu ain nosingog; Akuoibí in Tuhan Inta Totok in moḷantud bo Inta Totok in mokawasa.”

YEREMIA 27:15

Mosia in gumuman kon mosia in mosingog podoyon kon tangoi i Tuhan, táe mosia in monguboḷ. Ki Tuhan tontaní in noguman kon Sia in diábí nopotabá kon i monia. Tuamai in potabudon bo yopúon-Neabí in ki Tuang Datu takin nabi mita inta ain nonguboḷ kon i Tuang Datu.”

YEREMIA 29:26

“Ki Tuhan ain noduí kon inimu nobaḻí imang nomaḷui kon i Yoyada, bo tanaa ikodon in pojabat inta moḷantu-ḷantud kon Baḷoi i Tuhan. Oaidanmu in momarenta sinbá bayongan intau nobundai inta tumangoi nabi, sinokig in rante uatoi kon sigogownea.

YEREMIA 43:4

Pinomayá ki Yohanan andeka bayongan in porwira bo rayat in doíbí dinumudui kon parenta i Tuhan kon tantú mogutun kon Yohuda.

YEHEZKIEL 33:4

Ki ine in mokodongog kon tomponuot in anib tatua táe diá mopandungmai, bo musung in mamangoi bo moḻimod kon inia, dá sia in matoi popisíbí in taḷánea tontaní. Aka kuma bo nopandungmai in sia kon tomponuot in anib tatua, yo notantúbí in sia kon mosaḷamatbí.

MATIUS 21:23

Bo ki Yesus in sinumuot kon Baḷoi Tuhan, bo naonda in Sia notundú kon tua, namangoidon in imang mita itoi takin guhanga mita in ḻipú intau in Yahudi, bo noḻibó kon i-Nia, “Degá nongkon onda in kawasa inta pinogaid-Mu kon soaḷ mita tatua? Ki ine in nobogoi in kawasa tatua kon ini-Mu?”

OUMAN IN RASUL MITA 4:28

Mosia in notobatú in nogaid kon yagi-yagi, inta munadon sinantú-Mu kon mobaḻí. Bo sinantú-Mu intua pinodudui in kawasa bo ibog-Mu tontaní.

SURAT I PAULUS KON JAMAAT RUM 9:22

Ná doman tuata in pinomia i Allah. Sia moibog mopoyaput in torú-Nea bo mopoontong in kawasa-Nea. Táe Sia in mosabar in mokoontong kon i monia inta musti hukumon sin ain nogaid kon onu inta mokosakí kon gina-Nea.

EPESUS 1:11

Bayongan yagi-yagi in pinomia i Allah pinoduduibí in ibog-Nea bo kaputusan-Nea tontaní. Nongkon pinomangkoianpamai Sia ain nomiḻí kon i naton sin ibogon-Nea kita in mobaḻídon umat-Nea sin motobatú i Kristus.

ULANGAN 2:30

Tongá diábí inogoi i datu in Sihon in kita nongin butánea. Pinotontogat i Tuhan Allahmu in ginanea sin makusud-Nea bá taḷowon naton in sia. Dá butánea tatua umuranpa doman iḻitúan naton dapot in tanaa mako.

TIMOTIUS 2 4:3

Sin moiangoibí in wakutu intau in doídon motarima kon totundú inta moitutui. Mosia in dongkadon umuran dumudui kon ibog monia tontaní. Tuamai in mosia mosipundon kon guru mita podudui in ibog monia sinbá motundú doman kon onu inta mokosanang kon bongoḷan monia.

WAHYU 11:10

Moḷungangabí totok gina in bayongan intau kon dunia naa in mokoontong kon mayat in sakusi doyowa tatua. Porameanbí monia in kinopatoian nayadua tua. Bo mosia mosiogoianbí in tombuinag, lantaran nabi doyowa tatua ain nopoangoi in roriga moantó kon bayongan intau kon dunia naa.

SAMUEL 1 2:25

Aka intau mogaid kon taḷá kon tumpaḷa intau, yo motaaupabí tuḷungan i Allah; táe aka intau momia kon dosa kon i Tuhan, yo ki ine in motaau motuḷung kon inia?” Táe doíbí in mosia mokidongogmai kon tonggina i Eli, amá monia, sin sinantúdon i Tuhan kon ḻimodon in monia.