TAWARIKH 2 25:14 - Alkitab Singog In Mongondow Masa In Tanaa

¹⁴ Naonda in nonaḷow kon tontara in Edom, ki Amazia in nodia nobui kon patong mita in berhala in intau in Edom bo inukatnea kon Yohuda. Bo notubá in sia kon dupa kon patong tatua bo nosumba.

TAWARIKH 2 25:14 Mawu Ofanana

SAMUEL 2 5:21

Tontara mita in Pilistin noḷagui poḷatdon diá kinodiaan monia in bayongan patong mita berhala monia. Patong mita tatua in ginamá i Daud bo in intaunea mita.

DATU MITA 2 14:8

Onda intua ki Amazia nopotabá in totabá minayá kon i Yoas datu in Israel sin monontot kon inia moparang.

TAWARIKH 2 25:13

Kon dodai intua tontara mita in Israel inta ain pinotabá pinoki pobuian i Amazia, bo diá inogoi noparang, nonubudon kon kotá mita in Yohuda inta kon sigad in Samaria bo Bet-Horon. Mosia in noḻimod kon 3.000 in intau poḷat nogagow kon nobayong in pakakat.

TAWARIKH 2 25:2

Ki Amazia in nogaid kon onu inta nokosanang kon gina i Tuhan, táe diá takin ḻimbatú in gina.

TAWARIKH 2 28:23

Sia in nopoboditodon in awaknea bo rayatnea sin noposumbadon in kuruban kon dewa mita in intau in Siria inta ain nonaḷow kon inia. Pinikirnea, “Dewa mita in Siria ain notuḷung kon datu mita in Siria, dá aka akuoi in moposumba in kuruban kon i monia, dá tuḷunganneabí doman degá in akuoi.”

IḶUAIAN 23:24

Dika mosumba kon patong mita inta moḷoḷukad monia bo dika dumudui kon pososumba monia. Rimumudon in patong mita moḷoḷukad monia tua bo putoḷdon in oigi mita batu inta pinaké monia posumbaan.

YESAYA 44:15

Tongosilai in pangkoi in kayu tatua pinomia kayu pondungú sin ponayangan bo potubáan kon roti bo pogangagan kon ponoyá, bo mopuasdon in sia. Sia in monayang bo moguman, “O, mopiabí totok bo moanai! Totuu mokosanang in tuḷú tanaa!” Ki agat in kayu tatua in inaidannea patong. Sia in kumudung mosumba bo mosambayang, “Ikobí in ilahku, posaḷamatdon in Akuoi!”

YESAYA 44:19

Mogogaid kon patong tatua in diábí norai, “Kayu tatua topongkó in sinubáku, bo buingnea in pinakéku pinotubáan kon roti bo pinoangagan kon ponoyá sin kaanonku. Bo kiagat in kayu tatua in inaidanku patong. Dá tanaa akuoi in nosumbabí kon kayu topongkó!”

AMOS 2:4

Ki Tuhan in noguman, “Intau in Yohuda ain nopobui-buimai binaradosa, tuamai in notantú bidon kon hukumon-Ku in mosia. Mosia in iḻimimpatdon kon parenta-Ku mita bo doí nopandungmai kon totundú-Ku mita. Mosia in pinoḷangkam in ilah mita ibanea inta sinumba in mogoguyang monia.

ULANGAN 7:25

Tubádon in patong mita berhala inta sinumba monia. Dika mongibog kon saḷaka ande buḷawan inta kopake-paké monia bo dika mogamá sin pakéonmu tontaní. Aka moiko ḻimimpat kon parenta tatua matoi in moiko, sin ki Tuhan Allahmu in doíbí in mokoontong kon posumbaan kon patong berhala.

ULANGAN 7:5

Tuamai, umpagdon in mezbah mita in bangusa mita tatua, rimumudon in oigi mita batu inta inanggap monia mokaramat, pupuḷdon in lambang mita i Asyera, bo tubádon in patong mita berhala inta sinumba monia.