TAWARIKH 2 25:13 - Alkitab Singog In Mongondow Masa In Tanaa

¹³ Kon dodai intua tontara mita in Israel inta ain pinotabá pinoki pobuian i Amazia, bo diá inogoi noparang, nonubudon kon kotá mita in Yohuda inta kon sigad in Samaria bo Bet-Horon. Mosia in noḻimod kon 3.000 in intau poḷat nogagow kon nobayong in pakakat.

TAWARIKH 2 25:13 Mawu Ofanana

DATU MITA IMITÁNEA 16:24

Táe noiduduimai kon tua, notaḷui in sia kon buḷud tobatú kon i Semer, boḻinea in 6.000 in doit saḷaka. Bo noposindog in sia in kotá tobatú kon buḷud tatua bo sinangoiannea in Samaria, pinodudui in tangoi i Semer, intau inta kitogi buḷud tatua.

DATU MITA IMITÁNEA 16:29

Kon taong nogintoḷu nopuḷú bo waḷu kon pinomarentaan i Datu Asa kon Yohuda, ki Ahab ki adí i Omri in nobaḻí datu kon Israel bo nomarenta kon Samaria doyowa nopuḷú notaong in koonggotnea.

DATU MITA IMITÁNEA 9:17

Bo ki Salomodon in noposindog bui in kotá tatua.) Nopomaké doman in ata in ki Salomo nokiposindog bui in Bet-Horon-Hilir,

TAWARIKH 2 25:12

Mopuḷú noribu in intau ibanea in dinakop. Mosia in dinia kon tudu totok in buḷud batu kon kotá in Sela bodongka pinogambat monag dá minatoi.

TAWARIKH 2 25:14

Naonda in nonaḷow kon tontara in Edom, ki Amazia in nodia nobui kon patong mita in berhala in intau in Edom bo inukatnea kon Yohuda. Bo notubá in sia kon dupa kon patong tatua bo nosumba.

TAWARIKH 2 8:5

Kotá in Bet-Horon-Ḻimonik bo Bet-Horon-Ḻimonag pinosindognea bui nobaḻí kotá inta oyúon in poḷoḷukadan takin pinogaidan kon bonawang inta pinakéan in bonoboi in ḷoḻingkop.

YOSUA 10:10

Binaḻí i Tuhan in intau mita in Amori notoboḻingo naonda in nokoontong kon tontara mita in Israel. Nobarong intau in Amori in iḻimod kon Gibeon, bo inta nobiagpa dinuduran nosiḻig kon buḷud in Bet-Horon nodapot in Azeka bo Makeda kon dotá in toḷatan.