TAWARIKH 2 24:24 - Alkitab Singog In Mongondow Masa In Tanaa

²⁴ Tontara in Siria in tongábí topiḻik, táe pinomayádon mako i Tuhan in mosia nonaḷow kon tontara in Yohuda inta mobaro-barong tua, sin intau in Yohuda diá mopandungmai kon i Tuhan Allah in mogoguyang monia. Natua in pinohohukum i Tuhan kon i Datu Yoas.

TAWARIKH 2 24:24 Mawu Ofanana

DATU MITA 2 12:17

Kon dodai intua ki Hazael datu in Siria nonubu bo iḻitúannea in kotá in Gat. Bo moniatdon in sia monubu kon Yerusalem doman.

TAWARIKH 2 16:7

Kon tungkuḷ intua ki Nabi Hanani namangoi kon i Datu Asa bo noguman, “Popisí in iko inumandoḷdon kon i datu in Siria, bo deemanbí kon i Tuhan Allahmu, dá noinggamádon in kasampatanmu monaḷow kon tontara i datu in Israel.

TAWARIKH 2 22:8

Koyogot in ki Yehu nopobayá in hukuman i Tuhan kon motoḷuadí tatua, noyodungkuḷ in sia in topaanan i intau mita moḷoben in Yohuda bo pokuadíon mita i Ahazia inta dinumudui kon pinoyodungkuḷan tatua. Dá ki Yehu in noḻimod kon i monia komintan.

TAWARIKH 2 24:20

Bo Roho i Allah in nongawasa kon i Zakharia ki adí i Imang Yoyada. Ki Zakharia in sinimindog kon tayowon in rayat bo nomaḷú, “Ki Tuhan Allah in noguman, ‘Nongonu sin moiko in diábí motoindudui kon parenta-Ku mita bo mopoboditobí in awakmu tontaní. Moiko in diábí mopandungmai kon i-Nakó, dá Akuoi in diábí domandon mopandungmai kon i monimu!’ ”

TAWARIKH 2 28:5

Popisí in ki Datu Ahas binaradosa, dá ki Tuhan Allahnea nopomayádon kon inia sinaḷow i datu in Siria inta nogakut doman kon nobayong totok in intau in Yohuda nobaḻí intau inta dinakop pinobayá in Damsyik. Pinomayá doman mako i Tuhan in sia sinaḷow i Datu Pekah ki adí i Remalya nongkon Israel, inta kon bonu in tosinggai noḻimod kon 120.000 in tontara in Yohuda inta mongobarani. Ki Tuhan, Allah in mogoguyang monia nopomayádon intua komintan nobaḻí, sin rayat in Yohuda diádon nopandungmai kon i Tuhan.

YESAYA 13:5

Mosia in namangoi nongkon ḻipú mita inta noyayú kon popod mita in dunia. Kon bonu in torú-Nea ki Tuhan in nomaké kon i monia sin moyopú kon sinangkub in dunia.

YESAYA 30:17

Toribu in intau in moḷagui mokoontong kon gogondok in musung tobatú, bo gogondok in intau ḻima mokopopisí kon i monimu moḷagui komintan. Nongkon tontaramu mita tongádon tobatú in oigi in bandera kon tudu in buḷud.

YEREMIA 37:10

Aka kuma bo moiko in mokotaḷow kon bayongan in tontara in Babel modapot in inta kinotaḷáan in dongkadon intau mita inta kinekeban modaḷom kon bonu in ḷoḷaigan monia, táe mosia in mobangonbí bo monurub modapot in mopayong in kotá tanaa.’ ”

IMAMAT 26:25

Popomuká-Ku in parang kon sigad monimu sin mohukum kon i monimu popisí in moiko ain iḻimimpat kon dodandian-Ku takin monimu. Bo aka moiko moyosipun kon kotámu sin motayak kon motototuḷung, yo popoangoi-Kudon in takit inta diábí kotompiaan, dapot in moiko pakisadon tumungkud kon musungmu.

IMAMAT 26:37

Moiko in moḷagui bo moyodangat, umpakabí diá in mogaḷow. Bo moiko in diábí mokosanggup monayow kon musungmu mita.

IMAMAT 26:8

intau ḻima nongkon imonimu mokotaḷowbí kon intau mogatut, bo aka intau mogatut monimu yo mokotaḷowdon kon intau mopuḷú noribu.

HABAKUK 1:12

Tuhan, nongkon koḻipodpabímai Ikobí in ki Allah. Iko in ki Allahku inta motusi bo mononoi. Tuhan, Allahku bo moḷoḷukadku, bangusa in Babel tatua in piniḻí-Mu bo binaḻí-Mu noropot sin mohukum kon inami.

ZEPANYA 1:2

Ki Tuhan in noguman, “Daiton-Kubí yompaton in bayongan onu inta kon butá:

ULANGAN 28:25

Aka moiko diá motoindudui kon i Tuhan Allahmu, baḻíon-Nea in moiko taḷowon in musungmu mita. Motompiabí in pononubú monimu, táe posibayádon in moḷagui. Bayongan in bangusa kon dunia mokoningkimdon mokoontong kon kososoemu.

ULANGAN 28:48

Tuamai moiko musti mogundoi kon musung mita inta pinoangoi i Tuhan sin moḷawang kon i monimu. Moiko in aputondon in gogoy, yogang bo mopilang bo diá koonu bo onu. Ki Tuhan in mondorot totok kon i monimu modapot in moiko moyopú.

ULANGAN 32:30

Naonda in intau tobatú mogaḷow kon intau toribu, bo intau doyowa mokopoguntun kon intau mopuḷú noribu modapot in moḷagui? Ki Tuhan, Allah monia, nopotaḷuidon kon i monia; mosia in sinaḷáandon i Allah inta moroton totok.