TAWARIKH 2 24:15 - Alkitab Singog In Mongondow Masa In Tanaa

¹⁵ Ki Yoyada in noumur in kinobiagannea bo minatoi kon dodai in umur mogatut bo toḷu nopuḷú notaong.

TAWARIKH 2 24:15 Mawu Ofanana

KINOBAḺIAN 15:15

Iko tontaní moumur in kobiaganmu, bo matoi takin pia in gina, bo ḷobongon.

KINOBAḺIAN 47:9

Tubag i Yakub, “Akuoi ain nobiag kon binayáanku koonggotnea in mogatutdon bo toḷu nopuḷú notaong. Kobiaganku naa in nopuḻing in roriga. Kinobiaganku naa in nopoḷokbí aka poyobandingonmai umur in mogoguyangku inta nobiag doman nobaḻí intau inta diá notantú kon pogutunan.”

TAWARIKH 1 23:1

Kon dodai in ki Daud nogoguyangdon totok dinuíneadon in ki Salomo nobaḻí datu in Israel.

TAWARIKH 2 24:14

Naonda in oaidan tatua nopaḷut, buḷawan bo saḷaka inta ḻiunea kon tua in inogoi kon i datu bo kon i Yoyada. Bo buḷawan bo saḷaka tatua pinaké pinogaid kon pakakat mita in Baḷoi Tuhan, kon sigadnea: pakakat mita inta pakéon kon upacara ibada, pakéon kon kuruban payongon, pindan mita inta potuduan kon dupa, bo palo mita. Kon bonu in nobiagpa in ki Imang Yoyada, kuruban payongon tantúbí pinosumba kon Baḷoi Tuhan.

TAWARIKH 2 24:16

Iḷobong in sia kon poḷoḷobongan kon datu mita kon Kotá i Daud sin mohoromat kon onu mita inta ain inaidannea kon i Allah, kon Baḷoi Tuhan bo kon umat in Israel.

TAWARIKH 2 24:3

Ki Yoyada in nomiḻí kon bobay doyowa sin baḻíon ki buḷoi i Yoas, bo nongkon inayadua tua ki Yoas in nokouḻí kon adí mita ḷoḷaki bo bobay.

AYUB 5:26

Naonda bo gandum inta noḷutú, iratab kon wakutunea, iko in mobiagbí doman mopia modapot in mogoguyang.

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

MAZMUR 91:16

Sia in pooropon-Kubí in umur moḷanggó, bo posaḷamaton-Ku.”