TAWARIKH 2 23:13 - Alkitab Singog In Mongondow Masa In Tanaa

¹³ Inontongnea in datu inta mobagu tatua sinimindog kon ngara tumuot kon Baḷoi Tuhan, kon tampat inta pinoduían kon inia, iḻibu in porwira mita bo intau inta mogogirup kon torompet. Bayongan in rayat norogiow nopia-pia in gina poḷat doman nogirup kon torompet, bo intau mita inta mogogogitog in musik kon Baḷoi Tuhan dinumudui doman noginrame kon pinoramean tatua takin nopomaké in pakakat mita in musik monia. Takin sakí in gina ki Atalya nomerak kon ḷambungnea bo nomaḷú, “Bangkang! Bangkang!”

TAWARIKH 2 23:13 Mawu Ofanana

DATU MITA 2 11:14

Inontongnea in datu inta nobagu tatua sinimindog kon ngara tumuot in Baḷoi Tuhan kon tampat pinoduían kon inia, iḻibu in porwira mita bo mogogirup mita kon torompet. Bayongan in rayat norogiow takin pia in gina sindaḷan nogirup kon torompet. Takin yaat in gina ki Atalya nomerak kon ḷambungnea, bo nomaḷú, “Bangkang! Bangkang!”

DATU MITA 2 9:13

Dá baḷúdon in yobayat mita i Yehu noḷongkut kon jubah mita monia bo nopoompat kon tukad kon tayowon i Yehu. Bo nogirup in mosia kon torompet poḷat nomaḷú, “Ki Yehu in datu!”

DATU MITA 2 9:23

“Nion in moḷawangbí, Ahazia!” guman i Yoram sindaḷan nomurow kon keretanea bo noḷagui.

TAWARIKH 1 12:40

Nongkon suku mita inta kon dotá in utuan inta moyayú tuata inta nongkon suku in Isakhar, Zebulon bo Naptali, in moroangoi takin sinumakoi kon keledai, unta, bagal, bo sapi inta nopuḻing in bahan kokaanon: topong, bungai in ara, kismis, anggur bo ḷana in zaitun. Mosia in nodia doman kon sapi bo domba sin ratáan bo kaanon. Bayongan in intua noponiata kon totuu mosanang in rayat kon bayongan in Israel.

TAWARIKH 1 15:27

Kon dodai intua ki Daud nomaké in jubah nongkon kaeng linen moaḷus, natua doman in intau mita inta mopogogitog in musik bo ki Kenanya in nonongganut kon i monia takin intau mita in Lewi inta nobuat kon Poti Dodandian tatua. Ki Daud in nogiḷambung doman in ḷambung epod.

TAWARIKH 2 23:12

Ki Atalya in nokodongogdon kon rayat norogiow noduímai kon i datu. Iḻimikat in sia minayá in Baḷoi Tuhan inta pinosipunan in intau mobayong.

TAWARIKH 2 23:14

Ki Yoyada in diábí nobogoi kon i Atalya tua in ḻimodon kon diugmai in Baḷoi Tuhan, dá noguman in sia kon porwira mita, “Diadon in sia kon ḷuai pongin pipidan in moḷoḷukad, bo ḻimod in ki inekabí in moḷongasi moposaḷamat kon inia.”

MAZMUR 14:5

Intau moraat in totokbí in angoian in ondok, sin ki Allah in moḷukadbí kon intau inta motoindudui kon i-Nia.

AMSAL 11:10

Morame in kotá aka intau mobanar in mokouḻí kon rijiki; intau mita in monggoḷokapbí aka intau moraat in matoi.

AMSAL 29:2

Aka intau moadil in momarenta, mopia in gina in rayat. Táe aka intau moraat in mongawasa, yo mororiga in rayat.

MOHOHUTUBA 9:12

Intau naa in diábí nonotaau mongo toonu in wakutunea mamangoi. Naonda bo ḷagapan noibaaḷ bo toyá noikarit, natua doman in intau kinotugatan in bodito kon tungkuḷ inta diá kon gina-gina mako.

YEHEZKIEL 46:2

Kon singgai mita tatua mongongawasa in mustibí tumuot nongkon palas kon ḷuai mongin yuang moḷoben bodongka simindog kon diug in oigi in bonawang, kon dodai in imang mita moposumba in kuruban payongon bo kuruban dodamean nongkon mongongawasa. Kon ngara in bonawang tatua sia in mustibí dumokó bo mosumba kon i Tuhan, bodongka mayá. Onda intua modapot in doḷom, bonawang tatua in diábí motaau ḻingkopan.

HAKIM MITA 7:8

Tuamai in pinoki pobuiandon i Gideon in bayongan intau in Israel ibanea koḻikudon in toḷu nogatut tatua. Bayongan in tongkaaḷ bo torompet ginamádon nongkon intau mita inta nobui tatua. Intau in Midian kon ḷopá inta kon ḻimonaganmai in inta pinononḷoḷaigan in intau in Israel.