TAWARIKH 2 23:11 - Alkitab Singog In Mongondow Masa In Tanaa

¹¹ Nopaḷut mako kon tua ki Yoyada in nodia kon i Yoas iḻumuai, bo nopopaké in sapoyo in datu kon uḷunea, bo nobogoi kon inia in buk Hukum i Allah. Natuata in pinoduían kon i Yoas nobaḻí datu. Onda intua ki Imang Yoyada takin adínea mita nopobutak in ḷana upacara pinoduían kon i Yoas, bo bayongan in intau komintan nomaḷú “Mobiag datu!”

TAWARIKH 2 23:11 Mawu Ofanana

SAMUEL 2 1:10

Dá dinimiug in akuoi kon inia, bo poḷat noḻimod kon inia, sin kinotaauanku kon aka moumpag in sia sin diádon moropot in simindog, yo notantúbí kon matoibí domandon. Bo ginamáku in sapoyo in datu nongkon uḷunea bo ḻingkit nongkon kokaḷnea, bo diniaku mangoi kon i Tuangku.”

SAMUEL 2 16:16

Naonda in ki Husai yobayat i Daud inta mosatia tua noyodungkuḷ i Absalom, ki Husai in nomaḷú, “Kobiag datu! Kobiag datu!”

SAMUEL 2 5:3

Ki Daud in nomia kon dodandian takin itoi mita in Israel tatua kon Hebron, bo dinuí monia in sia nobaḻí datu in Israel.

DATU MITA IMITÁNEA 1:25

Singgai naa doman sia in noposumbadon in domba mobayong, sapi koḷakian bo ki adí in sapi inta mongoḷomumu. Bayongan adí ḷoḷaki i tuang datu ain inoinínea. Ná doman tua in Tongguḷu totok in tontara mopoparang i tuang datu, bo ki Imang Abyatar. Tanaa mako mosia in yogotdon morame takinnea bo morogiow in moguman, ‘Mobiag in ki Datu Adonia!’

DATU MITA IMITÁNEA 1:34

Kon tua ki Zadok bo ki Natan in musti moduí kon inia mobaḻí datu in Israel. Mopaḷut mako kon tua moiko in musti mogirup kon torompet bo mobaḷu, ‘Mobiag in ki Datu Salomo!’

DATU MITA IMITÁNEA 1:39

Onda intua ki Zadok nogamá kon tampat in ḷana zaitun inta ain dinianea nongkon Ḷoḷaigan i Tuhan, bo dinuíneadon in ki Salomo nopomaké in ḷana tatua. Bo torompet in inirupdon bo bayongan intau inta namangoi intua nomaḷú, “Mobiag ki Datu Salomo!”

DATU MITA 2 11:12

Nopaḷut mako kon tua ki Yoyada in nodia mangoi kon i Yoas, bo pinopo bongkowan in mahkota in datu kon uḷunea, bo inogoian in buk in sia Hukum i Allah. Ki Yoas in dinuí nobaḻí datu bo tua in pinotaaudon kon bayongan in rayat. Komintan nonggoḷokap bo norogiow, “Kobiag datu!”

TAWARIKH 2 22:11

Ki Ahazia in kogutat kon bobay tobatú tangoinea in ki Yoseba inta notonibuḷoi takin in imang tobatú inta ki Yoyada in tangoinea. Takin inumuni-uni mako in ki Yoseba nogamá kon adí ḷoḷaki tobatú i Ahazia inta ki Yoas in tangoinea nongkon sigad in adí mita i datu inta pinoki ḻimod i Atalya. Adí tatua takin moḷoḷukadnea in binuninea kon gopot tobatú kon Baḷoi Tuhan. Tuata in inaidan i Yoseba sin moposaḷamat kon adí tatua dá diá iḻimod i Atalya.

TAWARIKH 2 23:10

Ki Yoyada in nokiḷukad doman kon intau mita inta kokada-kadai in pitow kon dotá in muna in Baḷoi Tuhan sin moḷukad kon i datu.

TAWARIKH 2 23:12

Ki Atalya in nokodongogdon kon rayat norogiow noduímai kon i datu. Iḻimikat in sia minayá in Baḷoi Tuhan inta pinosipunan in intau mobayong.

MAZMUR 132:18

Dodatuannea in umuranbí mobiag mooyúon, táe musungnea mita in pokopooyáanbímai.”

MAZMUR 21:3

Dinuduian-Mu in onu inta kinoibog in ginanea, bo nobogoi kon onu inta inigumnea.

MAZMUR 78:5

Kon bangusa in Israel inogoi-Nea in hukum-Nea, bo kon buí i Yakub in parenta-Nea. Sia in nopotabá kon mogoguyang naton motundú kon tua kon i adí mita monia,

MAZMUR 89:20

Dungkuḷmai kon bonu in oontongon tobatú, Iko in noguman kon mogogundoi-Mu inta motoḷutui, “Akuoi ain notuḷung kon pahlawan tobatú, intau tobatú inta piniḻí-Ku nongkon rayat inta ain pinoḷantud-Ku.

MAZMUR 89:39

Táe tanaa in Iko tumorú kon i datu, Iko in noḷumbú bo nondoí kon intau inta piniḻí-Mu.

IḶUAIAN 25:16

Bo batu doyowa inta pinomaisan kon parenta mita inta bain ogoi-Ku kon inimu bonudon kon poti tatua.

IḶUAIAN 25:21

Bonudon in batu doyowa tatua kon bonu in poti tatua bo popotaḷobdon in taḷobnea kon ḻimoniknea.

IḶUAIAN 31:18

Naonda in nopaḷut mako noyosingog i Musa kon tudu in Buḷud Sinai, ki Allah nobogoidon kon inia in batu doyowa inta pinomaisan i Allah kon parenta-Nea mita.

YESAYA 49:23

Datu mita in naondadon bo ki amámu, bo bokí mita in nobaḻí ki inámu. Mosia in tumungkudbí mohoromat kon inimu bo tumonsiup kon inimu. Dá kotaauanmudon kon Akuoi in ki Tuhan; intau inta inumandoḷ kon i-Nakó in diábí pokuyangon in gina.”

YESAYA 8:16

Moiko, murí-ku mita musti motagú bo moḷukad kon koyow mita inta inogoi i Allah kon inakó.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

IBRANI 2:9

Táe inontongdon naton in ki Yesus in nongawasa! Sia in binaḻídon topí noḻin ompá notoyong nongkon malaekat mita, sinbá podoyon kon kopopia in gina i Allah Sia in motaau matoi kon kopontingan in bayongan intau. Inontong naton in tanaa, kon Sia ain inogoian in ḷoḻitúan inta momulia bo inta ihoromat sin Sia in notarimadon kon roriga dapot in minatoi.

YAKOBUS 1:12

Kosanangdon in intau inta motaba wakutu in kinoantugan in sobaan. Sin aka sia bo mokotahangdon kon sobaan tatua, yo tarimaanneabí in bungainea. Bungainea tua in kobiagan inta ain pinodandi i Allah kon intau inta motabi kon i-Nia.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.

WAHYU 19:12

Matanea in naonda bo dokot in tuḷú, bo kon uḷunea pinakéan in mahkota mobayong. Kon awaknea pinaisan in tangoi, bo tongábí sia in nonotaau kon tangoi tatua.

WAHYU 4:10

Bo kon wakutu in mahaḷuk mita tatua modondong, dá itoi inta doyowa nopuḷú bo opat tatua in tumungkud kon tayowon in intau inta iḻimitú kon tampat pomomarentaan tatua bo mosumba kon i-Nia inta tantú nobiag bo diá mato-matoi. Onda intua mosia in mopogarab in mahkota monia kon tampat pomomarentaan tatua poḷat mosingog,

WAHYU 4:4

Noiḻibu kon tampat pomomarentaan tatua, oyúon doman doyowa nopuḷú bo opat in tampat pomomarentaan ibanea. Kon tampat mita tatua doyowa doman nopuḷú bo opat in itoi iḻimitú. Mosia in nogiḷambung nobudó bo nomaké in mahkota buḷawan.

WAHYU 5:10

Binaḻí-Mudon in mosia tobatú dodatuan inta nobaḻí imang mita, sinbá mosia in mogaid kon oaidan i Allah naton, bo momarenta kon dunia naa.”

SAMUEL 1 10:1

Onda intua ki Samuel nogamá kon kendi inta kon bonu in ḷana zaitun, bo ḷana zaitun tatua pinopobutak kon uḷu i Saul, bo inayokannea in ki Saul poḷat noguman, “Ki Tuhan ain nopobaḻí kon inimu datu kon Israel umat-Nea. Iko in momarentabí kon umat-Nea bo moḷukad kon i monia nongkon musung mita monia. Naa in mobaḻí tomponuot kon inimu kon ki Tuhan in nomiḻídon kon inimu mobaḻí datu kon Israel umat-Nea:

SAMUEL 1 10:24

Onda intua ki Samuel noguman kon rayat, “Naadon in intau inta piniḻí i Tuhan, diábí in poḻiu kon sigad naton komintan.” Bayongan in bangusa tatua norogiow, “Mobiag datu!”