TAWARIKH 2 21:11 - Alkitab Singog In Mongondow Masa In Tanaa

¹¹ Nodapotbí in sia noposindog in tampat mita pososumbaan kon berhala kon butá in buḷud in Yohuda, bo nokopopisí kon rayat in Yohuda bo Yerusalem binaradosa kon i Tuhan.

TAWARIKH 2 21:11 Mawu Ofanana

DATU MITA IMITÁNEA 11:7

Kon tudu in buḷud kon dotá in pomukaan kon Yerusalem, noposindog in sia in tampat posumbaan kon i Kamos, dewa in intau Moab, bo kon i Molokh, dewa in intau Amon – doyowa tatua tumpaḷa dewa inta mokorongó.

DATU MITA IMITÁNEA 14:16

Ki Tuhan in monaḷábímai kon Israel sin ki Yerobeam in binaradosa bo nokopopisídon kon intau in Israel binaradosa domandon.”

DATU MITA IMITÁNEA 14:9

Táe iko in nogaidon kon inta moraat noiḻiu kon inta inaidan monia inta nomarenta noiuna kon inimu. Iko in nonaḷámai kon i-Nakó bo nopomuká in torú-Ku sin nomia kon berhala bo patong mita nongkon logam sin sumbáan.

DATU MITA 2 21:11

“Ki Datu Manasye in moraatbí totok. Oaidnea in moraa-raat nongkon oaid in intau in Kanaan. Pinongin berhala mita inta pinomianea, sia in nokopopisídon kon intau in Yohuda binaradosa.

DATU MITA 2 9:22

“Degá bo iko nion in namangoi saḷaku yobayat?” iḻibó i Yoram kon i Yehu. Ki Yehu in notubag, “Deemanbí saḷaku yobayat aka nobayongpa in mongonggaing kon naa, bo oyúonpa doman in pososumbaan kon berhala inta pinangkoi i Izebel ki inámu tua?”

TAWARIKH 2 21:10

Nongkon tuadon Edom diádon sinumungkud kon Yohuda. Kon tungkuḷ doman tua kotá in Libna in nomarontak domandon. Tua mita in nobaḻí sin ki Yehoram in nonaḷámaidon kon i Tuhan, Allah inta sinumba in mogoguyangnea.

TAWARIKH 2 21:13

Nodapotbí in ki Tuang nobiag naonda bo datu mita in Israel, bo nokopopisídon kon rayat in Yohuda bo Yerusalem diá mosatia kon i Allah. Ki Tuang in nogaid kon ná inta inaidan i Datu Ahab bo datu mita inta nomaḷui kon inia. Ki Tuang in nodapotbí in noḻimod kon i utat mita i Tuang, bokaka mosiabí in mopia-pia nongkon i Tuang.

TAWARIKH 2 33:9

Ki Manasye nokopopisí kon rayat in Yohuda nogaid kon dosa mita inta moraa-raat nongkon dosa inta inaidan in bangusa mita inta pinoguntun i Tuhan nongkon Kanaan kon tungkuḷ in umat i Tuhan sinumuot kon butá tatua.

MAZMUR 106:39

Popisí in aid mita monia tatua dá mosia in nonajisdon, bo diá notoḷutui kon i Allah.

MAZMUR 78:58

Mosia in noponontot kon i Allah in tampat pososumbaan kon berhala, bo pinointoi monia in Sia in patong mita monia.

IḶUAIAN 34:16

Aka ki adí mita monimu motonibuḷoi in bobay mita ango-angoi, yo mosia in dondouḷugandon in bobay mita tatua sinbá monaḷámaidon kon i-Nakó bo mosumbadon kon ilah mita monia.

YESAYA 65:7

popisí in dosa monia bo dosa in mogoguyang monia. Mosia in nopoompámai kon i-Nakó pinongin notubá kon kamania sin posumba kon dewa mita kon tampat pogogundoian kon tombuḷud mita. Akuoi in motuḻíbí kon i monia podudui in oaid monia dungkuḷmai.”

YEHEZKIEL 20:28

Dinia-Ku in mosia minayá in butá inta ain pinodandi-Ku kon i monia. Kon tungkuḷ in mosia nokoontong kon tombuḷud mita inta moḷantud bo pangkoi mita in kayu inta mobambar, mosia in mobogoi in sosumba kon tampat mita tatua. Mosia in nokopomuká kon torú-Ku popisí in kuruban mita payongon bo sosumba mita anggur monia.

YEHEZKIEL 23:11

Ki Oholiba, ki ai-ainea in nokoontongdon kon onu inta nobaḻí tatua, táe ibognea in moḷobe-ḷoben nongkon i Ohola in mogaid kon totuaḻingan.

DANIEL 3:15

Yo, tanaa, moibog degá in moiko dumokó bo mosumba kon patong tatua kon dodai in musik posingogon? Aka moiko doí, yo moiko in baḷúdon pogonag kon bonu in tuḷú inta kodoko-dokot. Bo dewa degá táonda in mokoposaḷamat kon i monimu nongkon kawasaku?”

HOSEA 12:1

Ki Tuhan in noguman, “Bangusa in Israel iḻimibu kon i-Nakó pinongin uboḷ bo tompobaḻik; bangusa in Yohuda umuran moḷawang kon i-Nakó, ki Allah Inta Mokudus bo inta mosatia.

HOSEA 4:15

Ei moiko intau in Israel, moiko in diá motoindudui kon i-Nakó! Táe, harapon-Ku mako Yohuda in diá mogaid kon taḷá ná inta inaidan monimu! Dika moibada kon Gilgal andeka kon Betel. Dika mongibot kon tua podoyon kon tangoi i Tuhan inta nobiag.

IMAMAT 17:7

Bangusa Israel musti tantú motoindudui kon i Tuhan bo diábí motaau mokoimontanmai moratá kon mahaḷuk kon gobá mita sin ogoi posumba kon dimukud mita moraat. Atorang tanaa musti umuran duduian modapot kon adí bo ompu.

IMAMAT 20:5

dá Akuoidon tontaní in mohukum kon inia, bayongan tombonu in baḷoinea, takin bayongan intau inta noyotakinnea nonaḷámai kon i-Nakó bo minayá nosumba kon i Molokh. Mosia in diá bidon iapon-Ku anggota in umat-Ku.

HABAKUK 2:15

Kinutukdon in iko! Iko in moningkuḻe bo nokopooyámai kon topodiugmumai mita; binaḻímu in mosia moipape magí-mako naonda bo intau noḷoḷangu.

ULANGAN 31:16

Guman i Tuhan kon i Musa, “Kopatoianmu in motoyongdon. Naonda in iko matoi, bangusa Israel in diádon mosatia kon i-Nakó bo monoḻikudon kon dodandian inta pinomia-Ku takin i monia. Mosia in monaḷámaidon kon i-Nakó sin mayá mosumba kon ilah mita inta sinumba kon butá inta diádon moonggot tuotan monia.