TAWARIKH 2 20:33 - Alkitab Singog In Mongondow Masa In Tanaa

³³ Táe tampat pososumbaan kon berhala diábí irimumudnea. Rayat in diápabí doman takin ḻimbatú in gina in noibada kon i Allah in mogoguyang monia.

TAWARIKH 2 20:33 Mawu Ofanana

TAWARIKH 2 12:14

Ki Rehabeam in nomiadon kon inta moraat sin diá noḷongasi nogaid kon onu inta kinoibog i Tuhan.

TAWARIKH 2 14:3

Sinoko ḷumbúnea in mezbah mita in bangusa ibanea bo tampat mita pososumbaan kon berhala. Tugu mita in dewa irimumudnea, bo oigi mita in patong i Dewi Asyera inumpagnea.

TAWARIKH 2 15:17

Umpaka diá komintan tampat pososumbaan kon berhala kon butá tatua irimumud i Asa, táe sia in umuranbí mosatia kon i Tuhan kinoouput in kinobiagannea.

TAWARIKH 2 17:6

Takin ibog moḷoben dinumudui in sia kon parenta i Tuhan bo norimumud kon bayongan in tampat pososumbaan kon berhala takin doman patong mita i Dewi Asyera kon Yohuda.

TAWARIKH 2 19:3

Umpaka natua táe oyúonpabí in mopia kon i Tuang. Ki Tuang in noḷumbúdon kon bayongan in patong i Dewi Asyera inta sinumba in rayat bo ki Tuang in noḷongasidon nobiag podudui in ibog i Allah.”

TAWARIKH 2 20:32

Naonda bo ki Asa ki amánea, ki Yosapat nogaid kon onu inta mopia kon tayowon i Tuhan.

TAWARIKH 2 30:19

“Tuhan, ki Allah in mogoguyang nami, igumon mako nongkon kopopia in gina-Mu ampungan-Mu in mosia inta koyogot in moibada kon ini-Mu takin ḻimbatú in gina, umpaka mosia in diápa nopotusi in awak.”

TAWARIKH 2 33:17

Rayat in umuranpabí doman moposumba in kuruban kon tampat mita pososumbaan ibanea, táe pinosumbaan tatua in kon i Tuhanbí.

ULANGAN 29:3

Moiko in nokoontong domandon kon bodito mita inta motoyang, mujizat mita bo inta mokoherang mita inta pinomia i Tuhan.

ULANGAN 29:4

Táe dapot in tanaa mako diápa inogoi-Nea in moiko momangaḻe kon bayongan inta kinorasaan monimu tatua.

SAMUEL 1 7:3

Bo nogumandon in ki Samuel kon umat in Israel, “Aka moiko moibogdon mobui mangoi kon i Tuhan bo mosumba kon i-Nia takin ḻimbatú in ginamu, yo mustibí ḷumbúon monimu in bayongan dewa ibanea bo patong i Dewi Asytoret. Totu-totuudon posarakai in awakmu kon i Tuhan bo tongádon pooibada kon i-Nia, dá moiko in poḷuaton-Neadon nongkon intau in Pilistin.”