TAWARIKH 2 20:29 - Alkitab Singog In Mongondow Masa In Tanaa

²⁹ Bayongan in bangusa ibanea noondokdon naonda in nokodongog kon naonda in ki Tuhan nonaḷow kon musung mita in Israel.

TAWARIKH 2 20:29 Mawu Ofanana

KINOBAḺIAN 35:5

Kon tungkuḷ in ki Yakub bo rombongan buḷoi, adí bo ginaḷumnea nobuat, ki Allah nogoḻingoi kon intau mita inta kon kotá tatua, dapot in mosia diá nogaḷow kon i Yakub bo rombongannea.

DATU MITA 2 7:6

Sin, ain binaḻí i Tuhan intau mita in Siria nokodongog kon singog naonda bo ponubuan in paanan in tontara inta mobarong totok inta sinumakoi kon kabaḷo bo kereta. Intau mita in Siria tua in norai kon ki datu in Israel ain nonondan kon i datu in Het bo Mesir takin tontaranea sin monubu kon i monia.

TAWARIKH 2 14:13

Ki Asa bo tontaranea in nondudur kon i monia nodapot in Gerar. Kon dotá in Sudan nobarong totok in minatoi dá tontara monia in diádon mokopongonu sin irimumudon i Tuhan bo tontara doman mita in Yohuda nogagowdon kon nobayong totok in pakakat monia. Onda intua tontara in Yohuda norimumud kon kotá mita kon butá mita inta kon diug in Gerar, sin ki Tuhan in nopobaḻídon kon intau mita inta kon tua inagían in ondok. Tontara in Yohuda nogagow kon bayongan in kotá tatua bo nokouḻí kon nobayong totok in pakakat.

TAWARIKH 2 17:10

Ki Tuhan nopobaḻí kon bayongan in dodatuan kon diugmai in Yohuda moondok in moparang monayow kon i Datu Yosapat.

TAWARIKH 2 20:28

Naonda in nodapot kon kotá, mosia in nopipid nopobayá in Baḷoi Tuhan sinakinan in kecapi bo torompet.

MAZMUR 76:8

Totuubí kon motoyang in Iko! Aka tumorú in Iko, ki ine in mokoigon?

IḶUAIAN 14:14

Ki Tuhan in moposaḷamatbí kon i monimu, bo moiko in dika bidon mogaid kon onu bo onu.”

IḶUAIAN 14:25

Binaḻínea roda mita in kereta tatua diá noburow, dá mororigadon totok monia in mayá. Guman intau in Mesir, “Koḻigai kita moḷagui monaḷámai kon intau Israel, sin ki Tuhandon in moparang monayow kon i naton.”

IḶUAIAN 23:27

Bangusa mita inta angoion monimu baḻíon-Kudon moondok kon i-Nakó; mosia in potombaukon-Kudon; bayongan musungmu modait momurow bo moḷagui.

YOSUA 5:1

Bayongan in datu in Amori kon dotá in toyopan kon Ongkag in Yordan, bo bayongan datu in Kanaan inta kon bingkí in Dagat Toyuak nokodongogdon kon Ongkag in Yordan ain iningkagan i Tuhan kon bonu in umat Israel iḷumoḷan kon ongkag tatua. Dá inagíandon in ondok in mosia bo uyotdon mako popisí in intau Israel.