TAWARIKH 2 20:28 - Alkitab Singog In Mongondow Masa In Tanaa

²⁸ Naonda in nodapot kon kotá, mosia in nopipid nopobayá in Baḷoi Tuhan sinakinan in kecapi bo torompet.

TAWARIKH 2 20:28 Mawu Ofanana

SAMUEL 2 6:5

Ki Daud bo bayongan in bangusa Israel minayá kon muna in Poti tatua sindaḷan motayok inimibo-ibogbí bo nodondong sin mohoromat kon i Tuhan. Nopogogitog in mosia in kecapi, gambus, rebana, kelentingan bo simbal.

TAWARIKH 1 13:8

bo ki Daud takin bangusa in Israel notayok bo nodondong takin pia totok in gina, sin mohoromat kon i Allah bo sinakinan in kecapi, rebana, simbal bo torompet.

TAWARIKH 1 23:5

4.000 in moḷoḷukad, bo 4.000 doman in modayow kon i Tuhan mopomaké in pakakat mita in musik inta ain sinadia.

TAWARIKH 1 25:6

Bayongan in adí i Heman tua in mopogogitog in musik simbal, kecapi bo gambus kon bonu in tongganut i amá monia sin moguyun kon upacara ibada kon Baḷoi Tuhan. Ki Asap, ki Yedutun bo ki Heman in nokouḻí kon oaidan podudui in topotundú i datu.

TAWARIKH 2 20:27

Bo ki Yosapat nonongganut kon bayongan in tontara nobui kon Yerusalem takin ḷunganga in gina sin ki Tuhan in nonaḷowdon kon bayongan in musung monia.

TAWARIKH 2 20:29

Bayongan in bangusa ibanea noondokdon naonda in nokodongog kon naonda in ki Tuhan nonaḷow kon musung mita in Israel.

MAZMUR 149:3

Dayowdon in tangoi-Nea pongin tayok mita, dayowdon in Sia in kecapi bo rebana!

MAZMUR 57:8

Akuoi in totuubí kon mopirisaya, o Allah, akuoi in totuubí kon mopirisaya, akuoi in moibog mododondong bo modayow kon ini-Mu.

MAZMUR 92:3

Mopotaa-taau mako in tabi-Mu kon dodai in doḷo-doḷom, bo kososatia-Mu kon dodai in doḷom,

MAZMUR 95:1

Koḻigai in kita modondong kon i Tuhan, moronggiow kon i Mopoposaḷamat naton!