TAWARIKH 2 20:26 - Alkitab Singog In Mongondow Masa In Tanaa

²⁶ Kon singgai noginggopat nosipun komintan in mosia kon Ḷopá in Dodayow bo nodayow kon i Tuhan kon bayongan inta ain inaidan-Nea. Manangka intua ḷopá tatua sinangoiandon “Dodayow”.

TAWARIKH 2 20:26 Mawu Ofanana

KINOBAḺIAN 28:19

Tampat tatua sinangoiannea Betel. (Koḻipod tangoinea Lus.)

SAMUEL 2 22:1

Naonda in ki Tuhan noposaḷamat kon i Daud nongkon i Saul bo nongkon musungnea ibanea, nopodondong in ki Daud in dondong tanaa kon i Tuhan: [

TAWARIKH 1 12:3

Itoi monia tua in ki Ahiezer bo ki Yoas adí mita i Semaa nongkon Gibea. Naa in pojuang mita tatua: Ki Yeziel bo ki Pelet ki adí mita i Azmawet Ki Berakha bo ki Yehu intau in Anatot Ki Yismaya intau in Gibeon, pojuang inta ponango-nangoian inta nobaḻí tobatú itoi in paanan “Tridasawira”. Ki Yeremia, ki Yahaziel, ki Yohanan bo ki Yozabad intau in Gedera Ki Eluzai, ki Yerimot, ki Bealya, ki Semarya bo ki Sepaca intau in Harupi Ki Elkana, ki Yisia, ki Azareel, ki Yoëzer bo ki Yasobam nongkon inanakan i Korah Ki Yoëla bo ki Zebaja adí mita i Yeroham intau in Gedor.

TAWARIKH 2 20:25

Dá ki Yosapat takin intaunea mita minayá nogagow kon pakakat mita in musung. Nokouḻí in mosia kon bobiagon mobayong, bo touḷut mita, ḷambung, bo pakakat mita inta koboḻi ibanea. Nopaḷut mako nosipun kon pakakat mita tatua toḷu nosinggai in koonggotnea, nobayongpa doman in pakakat mita ibanea, dá pakisadon sinaḷáanmai.

TAWARIKH 2 20:27

Bo ki Yosapat nonongganut kon bayongan in tontara nobui kon Yerusalem takin ḷunganga in gina sin ki Tuhan in nonaḷowdon kon bayongan in musung monia.

TAWARIKH 2 5:9

Kayu tombuḻigan tatua in noḷanggó totok, dá popodnea mita in koontongan nongkon Yuang Totok Motusi, táe diá koontongan nongkon ḷuai. (Dapot in singgai naa kayu mita tatua in kon tuapabí doman.)

IḶUAIAN 17:15

Bo ki Musa noposindog in mezbah tobatú bo sinangoiannea “Ki Tuhan in Banderaku.”

YESAYA 62:4

Tangoimu in deeman bidon ‘Inta Sinaḷáan’, butámu deeman bidon ‘Inta Noingongow’. Iko in tangoion bidon, ‘Inta Kinotabi i Allah’, bo butámu in sinangoian, ‘Inta Ain Nonika,’ sin ki Tuhan in noibogdon kon inimu, Sia in nádon buḷoi ḷoḷaki kon butámu.

LUKAS 1:68

“Dinayo-dayowdon in ki Tuhan, ki Allah Israel! Sia ain notuḷung kon umat-Nea bo nonginggamá doman kon roriga monia.

OUMAN IN RASUL MITA 1:19

Bayongan in intau kon Yerusalem in nonotaau kon bayongan tua, tuamai in butá tatua sinangoian monia inta kon bonu singog monia tontaní ‘Akeldama’, mangaḻenea ‘Butá in dugú’.)

SAMUEL 1 7:12

Nopaḷut mako kon tua ki Samuel noposindog in batu tobatú, kon pinosigadan in Mizpa bo Sen. Sia in noguman, “Ki Tuhan totu-totuudon notuḷung kon inaton.” – Bo batu tatua in sinangoiannea “Batu Pinotuḷungan”.