TAWARIKH 2 20:25 - Alkitab Singog In Mongondow Masa In Tanaa

²⁵ Dá ki Yosapat takin intaunea mita minayá nogagow kon pakakat mita in musung. Nokouḻí in mosia kon bobiagon mobayong, bo touḷut mita, ḷambung, bo pakakat mita inta koboḻi ibanea. Nopaḷut mako nosipun kon pakakat mita tatua toḷu nosinggai in koonggotnea, nobayongpa doman in pakakat mita ibanea, dá pakisadon sinaḷáanmai.

TAWARIKH 2 20:25 Mawu Ofanana

TAWARIKH 2 20:24

Naonda in tontara in Yohuda nodapot kon ḷangkeang poḷoḷukadan kon padang gurun bo monaridimai kon tampat in musung, nokoontong in mosia kon mayat mita in musung noiukat mako kon butá. Diábí tobatúmai in tontara in musung tatua in nobiag.

TAWARIKH 2 20:26

Kon singgai noginggopat nosipun komintan in mosia kon Ḷopá in Dodayow bo nodayow kon i Tuhan kon bayongan inta ain inaidan-Nea. Manangka intua ḷopá tatua sinangoiandon “Dodayow”.

MAZMUR 68:12

Ki Tuhan in nomarenta, bo bobay mita in nodia kon habar:

IḶUAIAN 3:22

Bayongan bobay Israel in moigumbí kon topodiugneamai inta intau in Mesir bo nongkon bobay in Mesir inta nogutun tobaḷoian, pakeang takin ḷambá saḷaka bo buḷawan. Moiko in mopopaké intua kon i adímu mita. Natuata in pogogagow monimu kon intau Mesir.”

AMSAL 3:15

Hikmat in momaha-mahaḷ nongkon batu permata; bayongan inta koibogmu in diábí mokotongkai kon tua.

ZAKHARIA 14:14

Intau mita ḷoḷaki kon Yohuda in moparangbí moduḷu kon Yerusalem. Mobaḻí pakakat inta agowon, dá mosia in mogamádon kon bayongan in kapunyaan in bangusa mita kon diugneamai ná buḷawan, saḷaka bo pakeang inta moguntu-guntuḷ.

PINOGIAPAN 31:15

Gumannea kon i monia, “Nongonu sin biniaganpabí monimu in bobay mita tanion?

PINOGIAPAN 31:53

Táe tontara mita tatua kon batúannea ain nogamá kon onu inta inagow monia sin kon i monia tontaní.

SURAT I PAULUS KON JAMAAT RUM 8:37

Táe! Kon bayongan tua mokouḻí in kita kon kauntungan inta mosompurna nongkon i-Nia inta motabi kon i naton!

YOSUA 11:14

Bayongan in intau kon bonu in kotá tatua iḻimod; diá in tobatúmai in pinomayá mako nobiag. Táe bayongan in pakakat mita inta koboḻi bo bobiagon monia in ginamá in intau in Israel nobaḻí kapunyaan monia.