TAWARIKH 2 20:22 - Alkitab Singog In Mongondow Masa In Tanaa

²² Kon tungkuḷ in mododondong tatua momangkoidon modondong, ki Tuhan in mopotombaukdon kon yua-yuak in tontara in musung inta koyogot in monubu.

TAWARIKH 2 20:22 Mawu Ofanana

SAMUEL 2 22:4

Akuoi in nokuani kon i Tuhan inta patus dayowon, Sia in nopoḷuat kon inakó nongkon musungku mita.

DATU MITA 2 6:17

Bo ki Elisa in nosambayang, “Tuhan, igumon mako bukatanmu in mata in bobantungku sinbá mokoontong in sia!” Dinuduian i Tuhan in sambayang i Elisa dá naonda in bobantungnea tatua nobobui, inontongnea in buḷud tatua nopuḻing in kabaḷo bo kereta takin tuḷú noḻibu noḷukad kon i Elisa.

TAWARIKH 2 13:13

Kon dodai intua ki Yerobeam in nopotabádon in tongosilai nongkon tontaranea sin monubu kon Yohuda nongkon tumi, bo tongosilai doman in nonayow kon i monia nongkon muna.

TAWARIKH 2 13:15

bo tontara in Yohuda nopobaḷúdon in yandow in parang bo minayá noparang, sinongganutan i Abia. Koyogot in mosia momaḷú, ki Allah nonaḷow kon i Yerobeam bo tontara in Israel

TAWARIKH 2 20:10

Tanaaya bangusa in Amon, Moab bo Edom monubu kon inami. Kon tungkuḷ in mogoguyang nami namangoi nongkon Mesir, diábí inogoi-Mu in mosia in mogutun kon butá in bangusa mita tatua. Dá mogoguyang nami nogamá kon daḷan iḻimibu bo diábí nomoguyaat kon bangusa in Amon, Moab bo Edom tatua.

TAWARIKH 2 21:8

Kon pinomarentaan i Yehoram, Edom in nomarontak kon Yohuda bo nomia kon dodatuan tontaní.

MAZMUR 18:4

Akuoi in nokuani kon i Tuhan inta patus dayowon, Sia in noposaḷamat kon inakó nongkon musungku mita.

YESAYA 19:2

Ki Tuhan in noguman, “Akuoi in moposindogbí in ropatoi kon motoḷuadí kon Mesir: Utat moyogintayow in utat, topodiug moyogintayow in topodiug, kotá moyogintayow in kotá bo dodatuan moyogintayow in dodatuan.

YEHEZKIEL 38:21

Bo ki Gog in taḻikokogan-Kubí in moyagi-yagimai in bodito. Akuoi, ki Tuhan Inta totok in moḷantud ain nosingog. Intaunea mita in mositotadan bidon in kedang monia.

YOSUA 6:16

Naonda in noginpitu noḻibu, naonda in imang mita nogirup kon torompet monia, ki Yosua nobogoi in parenta kon bayongan in tontara sinbá morogiowdon totok. Ki Yosua noguman, “Ki Tuhan ain nobogoi in kotá tanaa kon inimu!

HAKIM MITA 7:22

Naonda in ki Gideon bo intaunea mita koyogotpa in nogirup kon torompet, pinoporopatoi i Tuhan in tontara in musung takin nopomaké in kedang monia tontaní. Mosia noḷagui nopobayá ná Zerera nodapot kon Bet-Sita bo kon kotá in Abel Mehola kon diug in Tabat.

SAMUEL 1 14:16

Bo kon dodai intua tontara i Saul inta noḷukad kon Gibea kon butá in Benyamin, nokoontong kon intau in Pilistin noḷagui moiagí-ako totokdon in motoboḻingo.

SAMUEL 1 14:20

Bo ki Saul takin intaunea mita in noyododaidon minayá in tampat pinoparangan. Kon tua inontongdon monia in tombauk kon sigad in intau in Pilistin; mosia moropatoi bo mosiḻimodandon.