TAWARIKH 2 20:20 - Alkitab Singog In Mongondow Masa In Tanaa

²⁰ Nopoikoḷomai kon singgai, subupa totok, rayat iḻumuai bo minayá in butá kon padang gurun kon diug in Tekoa. Kon dodai in mosia mobuatdon, ki Yosapat nobogoi in koyow tanaa kon i monia, “Rayat in Yohuda bo Yerusalem! Popirisayabí kon i Tuhan Allahmu, dá mokotongodbí in moiko. Tarimadon in tonggina mita in nabimu mita, dá kodapotanbí monimu in sinayak monimu!”

TAWARIKH 2 20:20 Mawu Ofanana

SAMUEL 2 14:2

tuamai nokioiní in sia in bobay mobijaksana tobatú inta nogutun kon Tekoa. Naonda in bobay tatua noyaput mangoi, noguman in ki Yoab kon inia, “Ki iná in musti ki ubo-uboḷmaidon nonogumatoi; pogiḷambungdon in ḷambung pinonogumatoian, bo dika momaké in ḷana mobondu. Pomiadon naonda bo bobay inta ain noonggot in nongombaḷmai kon kinopatoian in intau inta totok in kinotabinea.

TAWARIKH 1 4:5

Ki Asyur inta noposindog in kotá in Tekoa in kobuḷoi kon doyowa, ki Hela bo ki Naara.

TAWARIKH 2 11:6

kotá in Betlehem, Etam, Tekoa,

TAWARIKH 2 20:19

Bo intau mita in Lewi nongkon inanakan i Kehat bo i Korah sinimindog, bo nodayow kon i Tuhan, Allah in Israel.

MAZMUR 125:1

Dondong mayá in Baḷoi Tuhan. Intau inta mopirisaya kon i Tuhan, in naonda bo Tombuḷud in Sion inta moroton diábí kotundanan, bo motahang modapot in mononoi.

IḶUAIAN 14:31

Kon tungkuḷ in intau Israel nokoontong kon naonda in ki Tuhan inta takin kawasa-Nea inta moḷoben nonaḷow kon intau in mesir, totok noherang in mosia dá nopirisayadon kon i-Nia bo kon i Musa, ata-Nea tatua.

YESAYA 26:3

Tuhan, Iko mobogoi in dodamean bo kobiagan motompia kon intau inta moroton in ginanea, sin mopirisaya in sia kon ini-Mu.

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

YESAYA 7:9

Israel in diábí morop-ropot nongkon Samaria, ibukotánea, bo Samaria in diábí moropo-ropot nongkon i Datu Pekah. Aka moiko diá totu-totuu mopirisaya kon i-Nakó,, notantú bidon kon moiko in diábí mokotongod.”

YEREMIA 38:20

“Diá,” tubagku, “Ki Tuang datu in diábí ogoi kon i monia. Poigumonku totok sinbá ki Tuang datu in dumudui kon koyow i Tuhan; dá tua komintan in moḷapatbí, bo ki Tuang datu in diábí ḻimodon.

YEREMIA 6:1

Bayádon poḷagui, ei intau mita in Benyamin! Taḷaaidon in Yerusalem! Irupdon in torompet kon Tekoa, bo poyongkitdon in tuḷú tomponuot kon Bet-Kerem! Bodito bo roriga moḷoben in mongindoyó nongkon utuan.

DANIEL 6:23

Ki Allah in bobantung ain nopotabá in malaekatnea sin momompon kon bibig in singa mita tatua dá diábí in mosia nopoyagi-yagimai kon bobantung naa. Ki Allah in noposaḷamat kon bobantung sin kinotaauan-Nea kon bobantung naa in diábí nogaid kon noitaḷá kon i-Nia bo kon i Tuangku.”

LUKAS 16:31

Táe ki Abraham in bui doman noguman kon inia nanaa, ‘Aka mosia tua bo diá mokidongog kon onu inta pinoguman i Musa bo i nabi mita, yo mangaḻenea mosia tua in diábí doman mopirisaya, umpakabí oyúon intau minatoi in bui mobiag bo mamangoi mobogoi in tompoingat kon i monia.’ ”

YOHANES 11:40

Dá ki Yesus in noguman kon i Marta, “Degá kinoḻionganmudon inta pinoguman-Ku kon inimu; Kon aka iko mopirisaya, yo iko in mokoontongbí kon kawasa i Allah inta totuu moḷoben!”

YOHANES 13:20

Naa in poguman-Ku kon i monimu: Ki ine in motarima kon intau inta pinotabá-Ku, yo sia in notarima kon i-Nakó. Bo ki ine in motarima kon i-Nakó, yo Sia tua in notarimadon kon i-Nia inta nopotabá kon i-Nakó.”

YOHANES 14:1

“Donaai mohawatir in ginamu,” guman i Yesus kon i monia. “Popirisayadon kon i Allah, bo popirisaya kon i-Nakó doman.

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

IBRANI 11:6

Aka diá in pirisaya, dá diábí in tobatúmai intau motaau moposanang kon gina i Allah. Sin ki ine in mamangoi kon i Allah mustibí mopirisaya kon ki Allah tua in oyúonbí. Bo intau inta totu-totuu motayak kon i-Nia in ogoian-Neabí in onu inta sinayaknea tatua.”