TAWARIKH 2 18:5 - Alkitab Singog In Mongondow Masa In Tanaa

⁵ Dá ki Ahab in nosipun kon degá 400 in nabi bodongka noḻibó kon i monia, “Motaau degá in akuoi mayá monubu kon Ramot andeka diá?” “Motaau!” tubag monia. “Posarakanbí i Allah in kotá tatua kon i Tuang datu.”

TAWARIKH 2 18:5 Mawu Ofanana

DATU MITA IMITÁNEA 12:9

Sia in noḻibó kon i monia, “Onu in tonggina monimu kon inakó sin motubag kon rayat inta nopoigum sinbá inggamáankudon in oaidan monia?”

DATU MITA IMITÁNEA 18:19

Tanaa, parentaaidon in bayongan rayat in Israel sin moyodungkuḷku kon Buḷud in Karmel. Dia doman in opat nogatut bo ḻima nopuḷú in nabi Baal bo opat nogatut in nabi i Dewi Asyera tatua inta inuboḻian i Izebel ki buḷoi datu!”

DATU MITA 2 3:13

“Nongonu sin mopoigumbí in totuḷung kon inakó?” guman i Elisa kon i datu in Israel. “Bayádon mako kon nabi mita in guyangamu!” “Diá!” tubag i Yoram. “Sin ki Tuhanbí inta ain nonomayá kon moposarakan kon inami toḷu kon i datu Moab.”

TAWARIKH 2 18:14

Naonda in ki Mikha noiyaput kon tayowon i Datu Ahab, ki datu in noḻibó, “Motaau degá in akuoi bo ki Datu Yosapat in mayá monubu kon Ramot andeka diá?” “Tubudon!” tubag i Mikha. “Tantú mountungbí in ki Tuang datu. Ki Tuhan in mopountungbí kon i Tuang datu.”

TAWARIKH 2 18:4

Táe mopia-piabí kon munapa ḻibóon naton kon i Tuhan.”

TAWARIKH 2 18:6

Táe ki Yosapat in noḻibó bui, “Degá kon naa diá in nabi ibanea inta motaau moḻibó kon i Tuhan sin kopontingan naton?”

YEREMIA 23:14

Táe kon Yerusalem inontong-Kudon in nabi mita nogaid kon inta noiḻiu doman in raat. Nonguboḷ bo nonuaḻing in mosia, bo noduḷu kon intau inta nogaid kon inta moraat, dá diá tobatúmai in intau in moibog mogogai in mogaid kon moraat. Aka kon i-Nakó yo mosia tua in komintandon moraat naonda bo intau in Sodom bo Gomora.”

YEREMIA 23:16

Kon intau inta nogutun kon Yerusalem, ki Tuhan Inta Totok in mokawasa noguman, “Dika indongogan in tosingogon in nabi mita inta umuran tongá mobogoi in kamang inta diá in mangaḻenea. Mosia in tongábí mopotaau in onu in inta kon raian monia tontaní bo deemanbí koyow-Ku.

YEREMIA 23:17

Kon intau mita inta doí mokidongog kon tosingogon-Ku mita, mosia in umuranbí moguman, ‘Moiko in mosaḷamatbí.’ Bo kon bayongan in intau inta pamandot, mosia in moguman, ‘Iko in diábí mokouḻí kon bodito.’ ”

YEREMIA 42:20

kon moiko in nogaidon kon taḷá moḷoben. Moiko in nopoigum sinbá akuoi in mosambayang kon i Tuhan Allah naton sin kopontingan monimu, bo moiko in nodandi kon dumuduibí kon bayongan inta pinoguman i Tuhan.

YEHEZKIEL 13:22

Intau mita mopia inta diá pomiaan-Ku ibo-ibog, in ginogondokdon monimu takin ouman uboḷmu. Intau mita moraat duíon monimu sinbá umuran mogaid kon dosa bo diá posaḷamaton.

MIKHA 2:11

Koibog monimu in nabi inta moibog monguboḷ bo mongakaḷ poḷat monoḷanow kon moiko in mokouḻíbí kon anggur bo oinumon inta mokoḷoḷangu inta mobayong totok.”

MIKHA 3:11

Mongongawasa mita in kotá momarenta mokiigum in doit pomompon kon bibig, imang mita in motundú kon hukum i Tuhan sin motayak kon tondan pogaidan, bo nabi mita mopoigum in topotundú nongkon i Allah sinbá mokouḻí kon doit – bo kai monia kamai dá ki Allah in dinumotábí kon i monia. Mosia in moguman, “Ki Tuhan in oyúon kon yua-yuak naton; kita in diábí koantugan in anib.”

TIMOTIUS 2 4:3

Sin moiangoibí in wakutu intau in doídon motarima kon totundú inta moitutui. Mosia in dongkadon umuran dumudui kon ibog monia tontaní. Tuamai in mosia mosipundon kon guru mita podudui in ibog monia sinbá motundú doman kon onu inta mokosanang kon bongoḷan monia.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.