TAWARIKH 2 18:31 - Alkitab Singog In Mongondow Masa In Tanaa

³¹ Dá naonda in mosia nokoontong kon i Datu Yosapat, kai monia kamai dá siabí tua in datu in Israel. Tuamai in sinubu monia in sia. Táe ki Yosapat in nomaḷú, bo sinuḷungan i Tuhan Allah in sia, bo nomurowdon kon pinonubuan tatua kon tampat ibanea.

TAWARIKH 2 18:31 Mawu Ofanana

TAWARIKH 1 5:20

Tontara mita tatua in mopirisaya kon i Allah bo nopoigum in totuḷung kon i-Nia, dá dinuduian i Allah in oigum monia tatua bo pinountung-Nea in mosia nongkon intau mita in Higri tatua bo yobayat mita monia.

TAWARIKH 2 13:14

Naonda in inontong in tontara in Yohuda kon mosia in kinopungdon, nomaḷú in mosia mopoigum in totuḷung kon i Tuhan. Imang mita nogirup kon torompet,

TAWARIKH 2 13:15

bo tontara in Yohuda nopobaḷúdon in yandow in parang bo minayá noparang, sinongganutan i Abia. Koyogot in mosia momaḷú, ki Allah nonaḷow kon i Yerobeam bo tontara in Israel

TAWARIKH 2 14:11

Bo ki Asa in nosambayang kon i Tuhan Allahnea, “Tuhan, tongábí Iko in mokobantung kon inta moyangkó monayow kon inta moropot. Tuḷungaipa in kami in tanaa, o Tuhan Allah nami! Tongábí iko in andoḷan nami bo podoyon kon tangoi-Mu kami in ḷumuai moparang monayow kon tontara inta mobarong totok naa. Tuhan, Ikobí in ki Allah nami. Dikabí pomayá mako Iko taḷowon in intau tobatú.”

TAWARIKH 2 18:30

Kon dodai intua itoi mita totok in tontara inta sinumakoi kon kereta in parang in Siria aindon pinarentaan i datunea kon tongábí monubu kon i datu in Israel.

TAWARIKH 2 18:32

Kon dodai in itoi totok in tontara in parang in Siria nonotaaudon kon tua in deemanbí datu in Israel, dá nogogaidon in mosia nonubu kon inia.

TAWARIKH 2 26:7

Ki Allah in notuḷung kon inia nonaḷow kon intau in Pilistin, bo intau in Arab inta nogutun kon Gur-Baal bo intau in Meunim.

EZRA 1:1

Kon taong imitánea kon pinomarentaan i Kores, datu in Persia, Ki Tuhan nogaid kon onu inta ain siningog-Nea pinongin i Nabi Yeremia. Ki Tuhan in nopogonú kon gina i Kores sinbá mopoḷuaidon in parenta tobatú inta binaca kon sinangkup in dodatuan nea. Nanaa in tombonunea:

EZRA 7:27

Bo ki Ezra in noguman, “Dayowdon in ki Tuhan, Allah inta sinumba in mogoguyang naton! Sia in nopogonúdon kon gina i datu dá ki datu in noibogdon noindoi totok kon Baḷoi Tuhan kon Yerusalem.

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

MAZMUR 118:13

Akuoi in totokbí in sinubu bo gogió moḷabú, táe ki Tuhan in notuḷung kon inakó.

MAZMUR 34:7

Intau nororiga in nokuani bo sinubagan i Tuhan, nopoḷuat kon inia nongkon bayongan in roriganea.

MAZMUR 46:1

Mazmur in inanakan i Korah. Kon i itoi in mododondong. Pinongin dondong Alamot.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 56:10

Kon singgai in akuoi mokuani kon ini-Mu, musung in bongkugonbí modapot in umundok, sin kinotaauanku kon ki Allah in dumotábí kon inakó.

MAZMUR 94:17

Aka kuma bo ki Tuhan in diá motuḷung kon inakó, yo gogióbí moibonu in akuoi kon dunia in intau minatoi.

IḶUAIAN 14:10

Naonda intau Israel nokoontong kon ki datu in Mesir bo tontaranea mita nopoangoidon, mosia in totokdon inangoian ondok bo nokuanidon kon i Tuhan sin mokituḷung.

AMSAL 16:7

Aka iko mokosanang kon gina i Tuhan, musungmu mita in baḻíon-Neabí yobayat.

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.