TAWARIKH 2 17:16 - Alkitab Singog In Mongondow Masa In Tanaa

¹⁶ Intau nogintoḷu in ki Amasia ki adí i Zikhri; sia in nobaḻí tongguḷu kon 200.000 in tontara (Ki Amasia naa in intau tobatú inta ibogneabí tontaní in nogundoi kon i Tuhan.)

TAWARIKH 2 17:16 Mawu Ofanana

TAWARIKH 1 29:14

Akuoi bo rayatku tanaa in diábí mokopobogoi kon onu bo onu kon ini-Mu, sin bayongan in yagi-yagi tua Ikobí in nobogoi bo onu inta inogoi nami naa in Ikobí doman in kitogi.

TAWARIKH 1 29:17

Kinotaauankubí kon Iko in monungkuḷ kon gina in intau kon batúannea bo kinoibog-Mu in intau inta motuḻid in ginanea. Takin gina nobayag bo pia in gina posumbaku in naa komintan kon ini-Mu. Akuoi in nokoontongdon tontaní kon naonda in umat-Mu inta noyosipun kon naa nodia kon sosumba monia kon ini-Mu takin pia in gina.

TAWARIKH 1 29:9

Rayat in nobogoibí takin pia in gina kon i Tuhan bo noḷunganga in gina sin nobayongdon in pinosumba monia. Nosanang domandon totok in gina i Datu Daud.

TAWARIKH 2 17:15

Intau nogindua in ki Yohanan; sia in nobaḻí tongguḷu kon 280.000 in tontara.

TAWARIKH 2 17:17

Tongguḷu totokan in pinonobatúan nongkon inanakan mita kon bonu in suku Benyamin in ki Elyada, tontara tobatú inta motorindog. Sia in nobaḻí tongguḷu in 200.000 in tontara inta notouḷut in piot bo kaḻeaw.

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

KORINTUS 2 8:12

Aka gina monimu bo motuḻidbí in mobogoi, dá tarimaanbí i Allah onu inta inogoi monimu tua, asaḷ bo onu inta inogoi monimu tua, pinodoyon kon onu inta oyúon kon i monimu, deemanbí pinodoyon kon onu inta diá in kon i monimu.

HAKIM MITA 5:2

Dayowdon in ki Tuhan, sin tontara mita in Israel in noniat bidon in mayá moparang, bo nobayagbí in gina in rayat in mayá moparang.

HAKIM MITA 5:9

Kon panglima mita in Israel inta namangoi takin ibog tontaní, poyaputku in tosingogon ponghargaan moḷoben kon i monia. Dinayo-dayowdon in ki Tuhan!