TAWARIKH 2 15:15 - Alkitab Singog In Mongondow Masa In Tanaa

¹⁵ Bayongan in rayat Yohuda noḷunganga in gina sin mosia in nomiadon kon ibot tatua takin ḻimbatú in gina. Mosanang in gina monia in noibada kon i Tuhan, bo ki Tuhan in noibog doman notarima kon i monia. Inogoi-Nea kon i monia in kaadaan inta moonow kon butá monia.

TAWARIKH 2 15:15 Mawu Ofanana

TAWARIKH 1 16:10

Siabí in ki Tuhan inta tuḷong; koḷungangadon, sin kita naa Siabí in kitogi; bayongan inta mosumba kon i-Nia in koḷungangadon.

TAWARIKH 2 11:16

Intau mita nongkon bayongan in suku Israel inta totu-totuudon moibog mosumba kon i Tuhan, Allah in Israel, nomamping kon Yerusalem, dinumudui kon intau mita in Lewi tatua sinbá motaau moposumba in kuruban kon i Tuhan, Allah inta sinumba in mogoguyang monia.

TAWARIKH 2 14:6

dá notaaudon in sia noposindog poḷoḷukadan mita kon kotá mita in Yohuda. Tongonumai notaong diábí in parang sin ki Tuhan in nobogoi in kaadaan noonow kon inia.

TAWARIKH 2 14:7

Guman i Asa kon rayat in Yohuda, “Koḻigai in kita moginropot kon kotá mita takin modinding poḻibuon bo ḷangkeangnea mita takin doman bonawang bonoboinea. Kinawasaandon naton in butá tanaa sin kita in dinumuduidon kon ibog i Tuhan Allah naton. Sia in noḷukad kon i naton bo nobogoi in kaamanan kon bayongan in butá naton.” Dá nomangkoidon in mosia noposindong bo noginḷapat kon oaidan mita tatua pia-pia mako.

TAWARIKH 2 15:12

Mosia in nodandi kon i Tuhan kon takin ḻimbatú in gina bo dimukud monia in mobiag podudui in ibog i Tuhan, Allah in mogoguyang monia.

TAWARIKH 2 15:14

Takin singog noropot mosia nongibot kon i Tuhan kon mosia in tantúbí kumadai kon dandi tatua. Onda intua mosia in norogiow bo nogirup kon torompet.

TAWARIKH 2 15:2

dá minayá in sia nokipodungkuḷ kon i Datu Asa, bo noguman, “Uḻe Datu Asa, bo bayongan in intau inta nogutun kon Yohuda bo kon Benyamin! Indongogai! Ki Tuhan modagin kon i monimu aka moiko modagin kon i-Nia. Aka moiko mopoigum in topotundú i Tuhan, yo ogoian-Neabí doman. Táe aka moiko doí mopandungmai kon i-Nia, yo diábí doman in Sia mopandungmai kon i monimu.

TAWARIKH 2 15:4

Táe naonda in mosia kinoantugan in roriga, yo nopoigumbí in mosia in totuḷung kon i Tuhan, Allah in Israel. Nopoigum in mosia in topotundú-Nea bo inogoi-Nea doman.

TAWARIKH 2 15:6

Bangusa tobatú moritak kon bangusa ibanea, bo kotá tobatú moritak kon kotá ibanea, sin pinopoangoidon i Allah in ropatoi moḷoben kon i monia.

TAWARIKH 2 19:3

Umpaka natua táe oyúonpabí in mopia kon i Tuang. Ki Tuang in noḷumbúdon kon bayongan in patong i Dewi Asyera inta sinumba in rayat bo ki Tuang in noḷongasidon nobiag podudui in ibog i Allah.”

TAWARIKH 2 20:30

Tuamai in ki Yosapat nomarenta takin pia, bo ki Tuhan in nobogoi kon inia in kaadaan dame kon bayongan in butá.

TAWARIKH 2 29:10

Tanaa in moibog in akuoi momia kon dodandian takin i Tuhan, Allah in Israel, sinbá diádon in Sia tumorú kon inaton.

TAWARIKH 2 29:36

Dá nosanangdon in gina i Datu Hizkia bo rayatnea sin kon bonu in wakutu notoyong ki Allah ain nogaid kon tua komintan.

NEHEMIA 8:9

Nokodongogmai kon pinobacaan kon Hukum tatua, pinongoibu in rayat bo poḷat nongombaḷ. Dá ki gubernur Nehemia bo ki Imang Ezra inta nonotaau totok in Hukum tatua bo intau mita in Lewi inta noginsilang kon Hukum tatua, noguman kon bayongan in rayat nanaa, “Singgai naa in singgai inta mokudus kon i Tuhan Allahmu, dá dikadon pongoibúon andeka mongombaḷ.

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

MAZMUR 119:10

Takin ḻimbatú in gina akuoi moḷongasi monotaau kon ini-Mu, dikabí kaasí pomayá-Mu mako in akuoi in tumabat kon parenta-Mu.

MAZMUR 119:106

Inta dinandiku pinodoyon kon ibot in intompodankubí, kon kumadai kon atorang-Mu inta moadil.

MAZMUR 119:111

Parenta-Mu in bongkoḷku modapot in mononoi, inta nokoḷunganga kon ginaku.

MAZMUR 32:11

Ei intau mita motoḷutui, pokosanangdon bo pokoḷungangadon sin onu inta ain pinomia i Tuhan Porogiowdon takin pia in gina, ei bayongan in intau inta motuḻid in gina!

IḶUAIAN 24:3

Ki Musa minayá bo nopotaau kon bangusa tatua in bayongan parenta bo atorang i Tuhan. Mosia komintan noyododai in notubag, “Kami komintan in moibogbí mogaid kon onu inta ain pinoguman i Tuhan.”

AMSAL 3:17

Hikmat mobogoi kon inimu in kobiagan mosanang bo mooyúon.

YESAYA 26:8

Kami in dumudui kon onu inta sinantú-Mu, o Tuhan, bo tantú mogoḷat mako kon ini-Mu; Ikobí in dayowon bo inta tano-tano bo in gina nami.

YESAYA 45:19

Akuoi in diábí tongá umuni-uni in mosingog, andeka tongá bunion kon intau ibanea. Akuoi in diábí nopotabá kon umat-Ku Israel motayak kon i-Nakó takin diá in mangaḻenea. Akuoi, ki Tuhan, mosingog kon inta banar, bo mopotaau kon onu inta totuu.”

KORINTUS 2 1:12

Noḷunganga totok in gina nami, sin noyakin bidon in kami kon kobobiag nami kon dunia naa – apapa doman hubungan nami bo i monimu – tantúbí nami sinompia takin gina motuḻid bo nobayag. Tua komintan in inaidan nami, deemanbí pinodoyon kon kapandoian raian in intau, táe pinodoyonbí kon ropot inta pinonotabi i Allah.

ULANGAN 26:11

Posukurdon sin bayongan rijiki inta ain inogoi i Tuhan Allahmu kon inimu bo tombonu in baḷoimu. Anutaidon in intau in Lewi bo intau ango-angoi inta nogutun kon sigad monimu tumakin kon porayaan tatua.

PILIPI 1:23

Doyowa norupa naa in morigugut kon bonu in ginaku. Moibogdon in akuoi monaḷámai kon dunia naa bo mayá mogutun takin i Kristus, sin tuabí inta totok in mopia;

YOSUA 23:1

Noonggot naonda in ki Tuhan nobogoi in kobiagan notompia kon umat in Israel; mosia in diá bidon sinuyayow in musung. Kon dodai intua ki Yosua nogoguyangdon totok.

YOSUA 24:25

Dá kon singgai tatua kon Sikhem ki Yosua nomia kon dodandian takin umat in Israel; bo kon tua in sia nobogoi kon i monia in hukum bo atorang mita inta musti duduian monia.