TAWARIKH 2 14:4 - Alkitab Singog In Mongondow Masa In Tanaa

⁴ Intau mita in Yohuda kon kobiagan monia dinumuduibí kon onu inta kinoibog i Tuhan, Allah in moguyang monia, bo dinumudui kon totundú mita bo parenta-Nea mita.

TAWARIKH 2 14:4 Mawu Ofanana

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

TAWARIKH 2 11:16

Intau mita nongkon bayongan in suku Israel inta totu-totuudon moibog mosumba kon i Tuhan, Allah in Israel, nomamping kon Yerusalem, dinumudui kon intau mita in Lewi tatua sinbá motaau moposumba in kuruban kon i Tuhan, Allah inta sinumba in mogoguyang monia.

TAWARIKH 2 14:3

Sinoko ḷumbúnea in mezbah mita in bangusa ibanea bo tampat mita pososumbaan kon berhala. Tugu mita in dewa irimumudnea, bo oigi mita in patong i Dewi Asyera inumpagnea.

TAWARIKH 2 14:5

Bayongan tampat pososumbaan kon berhala bo tampat pototubáan kon dupa iḷumbúnea nongkon kotá mita in Yohuda. Dá noonowdon in dodatuan tatua kon tungkuḷ in sia nomarenta,

TAWARIKH 2 29:21

Binaḻí kuruban potobut kon dosa in motoḷuadí in datu bo rayat in Yohuda, bo pakéon in mopotusi kon Baḷoi Tuhan, nodia in mosia kon sapi koḷakian pitu, domba koḷakian pitu, ki adí in domba pitu, bo bembé koḷakian pitu. Ki datu in nopotabá kon imang mita buí i Harun noposumba in biag mita tatua kon tudu in mezbah nobaḻí kuruban payongon.

TAWARIKH 2 29:27

Ki Hizkia in nobogoi in tomponuot sinbá upacara pobogoian in kuruban pangkoiondon. Koyogot in kuruban pinosumba, intau mita momangkoidon mopododondong kon i Tuhan, bo intau mita inta mopogogitog in musik moposingogdon in torompet bo pakakat mita in musik ibanea.

TAWARIKH 2 29:30

Ki datu bo intau mita inta sinon itoi kon ḻipú nopotabá kon intau mita in Lewi nokipodondong in dodayow kon i Tuhan in dodayow inta pinomia i Daud bo i Nabi Asap. Komintan intau nodondong takin ḷunganga in gina poḷat sinumungkud bo nosumba kon i Allah.

TAWARIKH 2 30:12

Kon Yohuda ki Allah in nogaid doman bo noponobatú kon gina in rayat sinbá totu-totuu motoindudui kon ibog i Allah pongin dumudui kon parenta i datu bo in pogawainea mita.

TAWARIKH 2 30:19

“Tuhan, ki Allah in mogoguyang nami, igumon mako nongkon kopopia in gina-Mu ampungan-Mu in mosia inta koyogot in moibada kon ini-Mu takin ḻimbatú in gina, umpaka mosia in diápa nopotusi in awak.”

TAWARIKH 2 33:16

Onda intua sinompianea in mezbah tampat pooibadaan kon i Tuhan bo noposumba kon tua in kuruban dodamean bo kuruban sukur. Bayongan intau in Yohuda pinoki ibadaannea kon i Tuhan Allah in Israel.

NEHEMIA 13:9

Onda intua pinoki aidanku in upacara pondaritan kon gopot mita tatua. Nopaḷut mako kon tua sinagúkudon bui kon tua in bayongan sosumba gandum bo kamania bo pakakat mita in Baḷoi Tuhan.

MAZMUR 119:10

Takin ḻimbatú in gina akuoi moḷongasi monotaau kon ini-Mu, dikabí kaasí pomayá-Mu mako in akuoi in tumabat kon parenta-Mu.

AMOS 5:4

Ki Tuhan in noguman kon intau in Israel, “Pobuidon mangoi kon i-Nakó, dá mobiagbí in moiko.

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

SAMUEL 1 3:13

Aindon pinotaau-Ku kon inia kon motoḷuadínea in umuran hukumon-Ku popisí in ki adínea mita ain nokopoonagmai kon i-Nakó. Kinotaauanbí i Eli in dosa mita monia tua, táe diábí sinorúannea.