TAWARIKH 2 13:18 - Alkitab Singog In Mongondow Masa In Tanaa

¹⁸ Intau in Yohuda nountung, sin mosia in nopongata kon i Tuhan, Allah in mogoguyang monia.

TAWARIKH 2 13:18 Mawu Ofanana

DATU MITA 2 18:5

Kon sigad in bayongan datu in Yohuda, pinomayá inta noiuna andeka inta noidudui kon i Hizkia, diábí in ná sia. Sia in mopirisaya kon i Tuhan, Allah in Israel,

TAWARIKH 1 5:20

Tontara mita tatua in mopirisaya kon i Allah bo nopoigum in totuḷung kon i-Nia, dá dinuduian i Allah in oigum monia tatua bo pinountung-Nea in mosia nongkon intau mita in Higri tatua bo yobayat mita monia.

TAWARIKH 2 13:17

Moḷoben totok in kinotungkudan inta pinoantug i Abia bo tontaranea kon intau in Israel; 500.000 in tontara monia inta mongopia in minatoi.

TAWARIKH 2 13:19

Kon wakutu in ki Abia nogaḷow kon tontara i Yerobeam, nogagow in sia kon tongonumai in kotá mita bo ḻipú mita kon diugneamai. Kotá mita tatua in Betel, Yesana bo Epron.

TAWARIKH 2 14:10

Dá iḷumuaidon in ki Asa nonayow kon i Zerah, bo taya dua in tumpaḷadon nonompia kon pipidannea-pipidannea kon Ḷopá in Zepata kon diug in Maresa.

TAWARIKH 2 14:11

Bo ki Asa in nosambayang kon i Tuhan Allahnea, “Tuhan, tongábí Iko in mokobantung kon inta moyangkó monayow kon inta moropot. Tuḷungaipa in kami in tanaa, o Tuhan Allah nami! Tongábí iko in andoḷan nami bo podoyon kon tangoi-Mu kami in ḷumuai moparang monayow kon tontara inta mobarong totok naa. Tuhan, Ikobí in ki Allah nami. Dikabí pomayá mako Iko taḷowon in intau tobatú.”

TAWARIKH 2 20:20

Nopoikoḷomai kon singgai, subupa totok, rayat iḻumuai bo minayá in butá kon padang gurun kon diug in Tekoa. Kon dodai in mosia mobuatdon, ki Yosapat nobogoi in koyow tanaa kon i monia, “Rayat in Yohuda bo Yerusalem! Popirisayabí kon i Tuhan Allahmu, dá mokotongodbí in moiko. Tarimadon in tonggina mita in nabimu mita, dá kodapotanbí monimu in sinayak monimu!”

MAZMUR 146:5

Pia in kamang in intau inta mopongata kon i Tuhan Allahnea, bo ki Allahnea in ki Allah i Yakub saḷaku mototuḷungnea.

MAZMUR 25:2

o Allahku, akuoi in mopirisaya kon ini-Mu! Dika pomayá mako in akuoi pokopooyáanmai, bo goḷokapan in musungku mita.

DANIEL 3:28

Bo nogumandon in ki datu, “Dinayo-dayowdon in ki Allah inta sinumba i Sadrakh i Mesakh bo i Abednego. Sia in nopotabádon kon malaekatnea sin moposaḷamat kon bobantungnea taya toḷu tatua inta mopirisaya kon i-Nia. Mosia in iḻimimpatdon kon parentaku bo moibo-ibogbí kon matoi aka mosumba andeka modayow kon dewa taondaka koḻikudbí in ki Allah monia tontaní.

NAHUM 1:7

Ki Tuhan tua in mopia, Sia in moḷukad kon umat-Nea kon tungkuḷ in mosia mosusa, Sia in moḷukad kon intau inta mamangoi kon i-Nia.

EPESUS 1:12

Koḻigai in kita inta muna-munamai moharap kon i Kristus, modayow kon i Allah sin oaidan-Nea inta totok in moḷoben!