TAWARIKH 2 13:10 - Alkitab Singog In Mongondow Masa In Tanaa

¹⁰ Kami in umuranbí nogundoi kon i Tuhan Allah nami bo diábí nonaḷámai kon i-Nia. Imang mita nami in umuranbí nongkon buí i Harun, bo intau mita in Lewi umuranbí mobantung kon i monia.

TAWARIKH 2 13:10 Mawu Ofanana

TAWARIKH 2 13:11

Pomuḷoi in doḷo-doḷom bo ḷoḷabungnea motubá in mosia kon dupa bo moposumba in kuruban angagon kon i Tuhan, bo poḷat moposadia in roti oḷudon. Pomuḷoi in doḷom mosia mopoyongkit in togá mita inta kon tudu in pototuduan kon togá nongkon buḷawan. Kami in umuranbí dinumudui kon parenta mita i Tuhan, táe moiko in nonaḷámaidon kon i-Nia.

TAWARIKH 2 13:9

Imang mita i Tuhan bo buí i Harun bo intau mita in Lewi in sinokountundon monimu komintan! Bo toḻiunea kon tua, ki inekabí in moibog mobaḻí imang, asaḷ bo modia in sia kon sapi tobatú andeka domba pitu, yo baḻíondon monimu imang kon i inta deemanbí ki Allah, sin natuabí in oaid in bangusa mita ibanea moduí kon imang monia. Táe kami in diábí nogaid kon natua.

NEHEMIA 13:30

Natuata in pinonondaritku kon bangusa in Israel nongkon bayongan inta diá motaau aidan. Pinomiakudon in atorang mita kon imang mita bo kon intau mita in Lewi, dá mosia kon batúannea in kooaidandon tontaní.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

PINOGIAPAN 1:53

Táe intau in Lewi musti mogaid kon ḷoḷaigan monia poḻibu kon Ḷoḷaigan-Ku. Musti ḷukadan monia sinbá diá in dimiug kon tua, sinbá Akuoi in diá tumorú bo mohukum kon umat Israel.”

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

YOSUA 24:17

Ki Tuhan Allah natondon inta nopoḷuat kon mogoguyang naton bo kon inaton doman tontaní nongkon pinononggataan kon Mesir. Kita in nokoontongdon kon inta mokoherang mita inta pinomia i Tuhan. Ki Tuhan in umuranbí moḷukad kon i naton kon binayáan naton, sinumaḻib kon butá mita in intau mita ibanea.