TAWARIKH 1 29:22 - Alkitab Singog In Mongondow Masa In Tanaa

²² Kon singgai tua mosia in nongaan bo nonginum takin pia in gina kon tayowon i Tuhan. Bo kon induaneadon in mosia nopotaau kon ki Salomo in nobaḻí datu. Pinodoyon kon tangoi Tuhan, mosia in nopobaḻídon kon inia nobaḻí datu monia bo ki Zadok in nobaḻí imang.

TAWARIKH 1 29:22 Mawu Ofanana

DATU MITA IMITÁNEA 1:31

Dá sinumungkudon in ki Batsyeba poḷat noguman, “Umurandon mobiag in ki Tuang datu!”

DATU MITA IMITÁNEA 1:33

ki datu in noguman kon i monia, “Oinídon in porwiraku mita bo bayádon kon i Salomo adíku ḷoḷaki poyotakin monia. Popotakoidon in sia kon bagalku tontaní, bo diádon in sia kon bokaká in tubig in Gihon.

DATU MITA IMITÁNEA 2:35

Onda intua ki datu noduí kon i Benaya nobaḻí tongguḷu totok in tontara nonoḻiu kon i Yoab, bo ki Zadok in dinuí nobaḻí imang nonoḻiu kon i Abyatar.

TAWARIKH 1 12:40

Nongkon suku mita inta kon dotá in utuan inta moyayú tuata inta nongkon suku in Isakhar, Zebulon bo Naptali, in moroangoi takin sinumakoi kon keledai, unta, bagal, bo sapi inta nopuḻing in bahan kokaanon: topong, bungai in ara, kismis, anggur bo ḷana in zaitun. Mosia in nodia doman kon sapi bo domba sin ratáan bo kaanon. Bayongan in intua noponiata kon totuu mosanang in rayat kon bayongan in Israel.

TAWARIKH 1 23:1

Kon dodai in ki Daud nogoguyangdon totok dinuíneadon in ki Salomo nobaḻí datu in Israel.

TAWARIKH 2 7:10

bo nopoikoḷomai kon singgai, kon singgai in doyowa nopuḷú botoḷú buḷan noginpitu, ki Salomo nopotabá in intau mita tatua nobui. Nopia in gina monia kon bayongan inta mopia inta inaidan i Tuhan kon bangusa in Israel umat-Nea, kon i Daud bo kon i Salomo.

NEHEMIA 8:12

Dá nobuidon in rayat sin mongaan bo monginum poḷat mosila-silai mako kon kaanon kon intau mita ibanea. Noḷungangadon in gina monia sin kinomangaḻeandon monia in onu inta ain binaca bo dinongog monia tatua.

IḶUAIAN 18:12

Onda intua ki Yitro nodia kon tongonumai in kuruban sinubá bo kuruban inta iratá nobaḻí sosumba kon i Allah. Ki Harun bo bayongan itoi in bangusa Israel namangoi bo nongaan noyotakin i Yitro kon bonu in kawasa i Allah.

IḶUAIAN 24:11

Itoi mita Israel tatua aindon nokoontong kon i Allah; umpaka natua yo mosia in diábí iyopú-Nea. Nopaḷut mako kon tua mosia nongaan bo nonginumdon.

MOHOHUTUBA 2:24

Diábí in mopia-pia in kon intau koḻikudbí in mongaan, monginum bo mokaan kon onu in siniḷopíannea. Kinotaauanku doman kon tua in ki Allahbí in nobogoi.

MOHOHUTUBA 8:15

Impoḷok mako in tosingogonku in intau naa in mustibí mobiag takin ḷunganga in gina. Sin kon bonu in kobiagannea kon dunia diábí in kasanangan ibanea kon inia koḻikudbí in mongaan, monginum bo mobarasanang. Tongábí tua in kopakéannea kon bayongan in onu inta iramujinea, kon bonu in kobiagan inta inogoi i Allah kon inia.

MOHOHUTUBA 9:7

Pongaanbí bo pobarasanang, inumdon in anggurmu takin ḷunganga in gina. Diábí mobogat in gina i Allah, sin kinoibog-Neabí intua.

YEHEZKIEL 46:10

Mongongawasa in mustibí tumuot kon Baḷoi Tuhan moyotakin in rayat bo naonda in mobui mustibí doman moyotakin.

ULANGAN 12:7

Kon tua doman, kon tayowon i Tuhan Allahmu, moiko moyotakin in motoḷuadímu musti mongaan takin ḷunganga in gina sin bayongan inta iramujimu oyúon in mangaḻenea sin binarakatan i Tuhan Allahmu.