TAWARIKH 1 29:20 - Alkitab Singog In Mongondow Masa In Tanaa

²⁰ Nopaḷut mako nosambayang natua, ki Daud in noguman kon intau nobayong inta noyosipun kon tua, “Dayowdon in ki Tuhan Allahmu!” Dá bayongan in intau kon tua nodayow kon i Tuhan, Allah inta sinumba in mogoguyang monia. Bo sinumungkud in mosia sin mohoromat kon i Tuhan bo datu.

TAWARIKH 1 29:20 Mawu Ofanana

KINOBAḺIAN 24:26

Dá dinumokódon in bobantung tatua nosumba kon i Tuhan.

KINOBAḺIAN 24:48

Akuoi in dinumokó nosumba bo nodayow kon i Tuhan, Allah i tuangku Abraham. Sia in bayá-bayádon nodia kon inakó namangoi in naa, kon ginaḷum i tuangku, nodapot in akuoi bayá-bayádon noyodungkuḷ in mongodeaga sin potonibuḷoion kon i adínea.

DATU MITA IMITÁNEA 8:15

Sia in nosingog, “Koḻipod in ki Tuhan in nodandidon kon i amáku ki Daud nanaa, ‘Pinangkoi Akuoi nodia kon umat-Ku iḻumuai nongkon Mesir, kon bayongan in butá in Israel diábí in tobatúmai in kotá inta piniḻí-Ku nobaḻí tampat poposindogan in baḷoi tampat poibadaan kon i-Nakó. Táe Iko, Daud, piniḻí-Ku sin momarenta kon umat-Ku.’ Dinayo-dayowdon in ki Tuhan Allah in Israel inta ain nogintompod kon dandi-Nea tatua!”

TAWARIKH 1 16:36

Dayowdon in ki Tuhan Allah Israel, tanaa mako modapot in mononoi! Onda intua bayongan in umat in Israel moguman, “Amin”. bo nodayow in mosia kon i Tuhan.

TAWARIKH 2 20:21

Naonda in noyosingog mako in rayat, ki datu nopotabá in mododondong mita nogiḷambung in ḷambung monia inta biasamai pakéon kon upacara mita inta ain sinantú kon agama. Mododondong mita tatua in mustibí mopipid takin ḷunganga in gina kon tayowon in pipidan in tontara sindaḷan modondong, “Dayowdon in ki Tuhan! Tabi-Nea in umuran mononoi!”

NEHEMIA 8:6

Ki Ezra in noguman, “Dinayo-dayowdon in ki Tuhan, Allah inta moḷoben!” Bayongan in rayat notonggó kon ḻima kinoḷantud bo notubag, “Amin, amin!” Bo mosia in sinumungkud nosumba kon i Allah.

NEHEMIA 9:5

Ibada kon singgai tua in pinangkoi in intau mita in Lewi inta noiduduimai naa: ki Yesua, ki Kadmiel, ki Bani, ki Hasabneya, ki Serebya, ki Hodia, ki Sebanya bo ki Petahya. Mosia in noguman, “Sindog bo dayowdon in ki Tuhan Allah naton! Podayowdon kon i-Nia modapot in mononoi! Dinayo-dayowdon in tangoi-Nea inta nopuḻing in kamuliaan, tangoi inta motoyang, noiḻiu kon bayongan dodayow!”

MAZMUR 134:2

Tonggó in ḻimamu potundú ná tampat motusi, bo dayowdon in ki Tuhan!

MAZMUR 95:6

Koḻigai in kita dumokó mosumba kon i-Nia, tumungkud kon tayowon i Tuhan, inta nomaḻí kon inaton.

IḶUAIAN 14:31

Kon tungkuḷ in intau Israel nokoontong kon naonda in ki Tuhan inta takin kawasa-Nea inta moḷoben nonaḷow kon intau in mesir, totok noherang in mosia dá nopirisayadon kon i-Nia bo kon i Musa, ata-Nea tatua.

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

AMSAL 24:21

Adíku, kotoguondokbí kon i Tuhan, bo horomatbí in datu. Dika kinodudu-duduiannea kon intau inta moḷawang kon i monia.

YEHEZKIEL 46:10

Mongongawasa in mustibí tumuot kon Baḷoi Tuhan moyotakin in rayat bo naonda in mobui mustibí doman moyotakin.

YOSUA 22:33

Dá nopiadon in gina in umat tatua in nokodongogmai kon tua, nodapot in mosia nodayow kon i Allah. Mosia in diá bidon nongonguman kon niat monia monubu kon intau mita in Ruben bo Gad, bo moyompat kon butá monia.

PETRUS 1 2:17

Horomatbí in bayongan intau, kotabibí in ki utatmu mita inta tumpaḷa Keresten. Koondok kon i Allah bo horomatbí in ki Kaisar.

SAMUEL 1 12:18

Bo nosambayangdon in ki Samuel, bo kon singgai domandon tuata ki Tuhan nopoangoi in gotup bo uyan. Bayongan in bangusa tatua nobaḻí noondok kon i Tuhan bo kon i Samuel.