TAWARIKH 1 29:19 - Alkitab Singog In Mongondow Masa In Tanaa

¹⁹ Ogoiaidon in ki Salomo, ki adíku ḷoḷaki in ibog inta totu-totuu dumudui kon bayongan in parenta-Mu bo moposindog in baḷoi pooibadaan tatua inta ain pinosadiaku.”

TAWARIKH 1 29:19 Mawu Ofanana

DATU MITA 2 17:37

Umurandon duduiai in hukum mita bo parenta mita inta ain pinais-Ku kon inimu. Dika moibada kon ilah mita ibanea mako,

TAWARIKH 1 22:14

Aka Baḷoi Tuhan tua, yo akuoi in noḷongasidon totok nosipun kon 3.400 noton in buḷawan bo noiḻiu kon 34.000 noton in saḷaka. Koḻikud intua oyúon in bitú bo uatoi inta diádon koiapan in kobayongnea. Kayu bo batu in sinadiaku domandon táe mustipa duganganmu.

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 1 29:18

Oo Tuhan Allah, inta sinumba i Abraham, i Ishak bo i Yakub, mogoguyang nami, igumon mako ḷukadan-Mu mako sinbá umat-Mu tantú motabi kon ini-Mu ná tanaa mako bo tuḷungaidon sinbá mosia in umuran mosatia kon ini-Mu.

TAWARIKH 2 6:30

yo igumon mako Iko nongkon tampat pinogutunan-Mu kon soroga moibogpa kaasí mokidongog bo mongampung kon i monia. Tongábí Iko in monotaau kon bonu in gina in intau. Tuamai in popoaidon kon intau podudui kon aid mita monia,

MAZMUR 119:80

Igumon mako in ginaku diá tumabat nongkon atorang-Mu, sinbá diá mooyá in akuoi.

MAZMUR 72:1

Nongkon i Salomo. Oo Allah, tundúdon in hukum-Mu kon i datu, ogoiaidon in kooadil-Mu kon i adí ḷoḷaki i datu.

MAZMUR 72:2

Igumon mako sia in mohakim kon umat-Mu podudui in hukum, bo mopoaid in inta moadil kon intau inta dinorot.

YESAYA 38:3

“Tuhan, toropdon kon akuoi in nogundoidon kon ini-Mu takin motoindudui bo motuḻid in gina. Akuoi in umuran moḷongasi dumudui kon ibog-Mu.” Bo ki Hizkia in nongombaḷ totok.

YEREMIA 30:18

Ki Tuhan in noguman doman bui: “Moiko, umat-Ku in totabion-Kubí bo poguḻiton-Ku bui in kaadaanmu kon butámu tontaní Yerusalem in posindogonbí bui, bo komaḻignea in tompiaan.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.