TAWARIKH 1 28:4 - Alkitab Singog In Mongondow Masa In Tanaa

⁴ Ki Tuhan Allah inta sinumba in Israel, ain nomiḻí kon inakó bo buíku sin momarenta kon Israel moidapot in mononoi. Bo kon bonu in moposadia kon itoi tobatú dá piniḻí-Nea in suku Yohuda, bo nongkon suku tatua piniḻí-Nea in motoḷuadí i amáku. Bo nongkon bayongan in tombonu in motoḷuadí i amáku tatua dá noibog in Sia nomiḻí kon inakó bo binaḻí-Nea in akuoi datu kon bayongan in Israel.

TAWARIKH 1 28:4 Mawu Ofanana

SAMUEL 2 5:3

Ki Daud in nomia kon dodandian takin itoi mita in Israel tatua kon Hebron, bo dinuí monia in sia nobaḻí datu in Israel.

TAWARIKH 1 17:23

Tanaa, o Tuhan Allah, irigonaipa kaasí modapot in mononoi in dandi inta ain siningog-Mu kon inakó bo kon buíku. Aidaidon kaasí in onu inta ain pinodandi-Mu tatua.

TAWARIKH 1 17:27

Tuamai, in poigumonku, barakataidon kaasí in buíku sinbá moidapot in mononoi mosia umuran mokorasa kon tabi-Mu. Sin, Iko in nomarakatdon kon umat-Mu, o Tuhan, dá mosia in umuranbí barakatan moidapot in mononoi.”

MAZMUR 108:8

Nongkon tampat-Nea inta motusi ki Allah in noguman, “Akuoi in monggiow bo mosila-silai kon butá in Sikhem, Ḷopá in Sukot in undion-Ku.

MAZMUR 18:19

Mosia in nonubu kon inakó kon tungkuḷ in akuoi kinoantugan in bodito, táe ki Tuhan in nobaḻí mototuḷungku.

MAZMUR 60:7

Posaḷamatdon in kami in kawasa-Mu, tubagaidon in sambayang nami, sinbá intau mita inta kinotabi-Mu in posaḷamaton.

MAZMUR 89:4

Iko in noguman, “Akuoi in nogaidon kon dodandian takin intau inta piniḻí-Ku; Akuoi in nongibotdon kon i Daud, mogogundoi-Ku:

IBRANI 7:14

Kinotaauan bidon in bayongan imang kon ki Tuhan naton nongkon sukubí in Yahudi. Diábí kon dodai in onda in kinotangoian i Musa in suku tatua wakutu in sia nongonguman kon soaḷ imang mita.

SAMUEL 1 16:1

Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”

SAMUEL 1 26:1

Kon singgai tobatú intau mita in Zip namangoi kon i Saul kon Gibea bo nopotaau kon inia kon ki Daud in nogadop kon Buḷud in Hakhila kon bingkí in padang gurun Yohuda.