SAMUEL 2 8:16 - Alkitab Singog In Mongondow Masa In Tanaa

^16-17 Naa in pomarenta mita moḷantud inta dinuí i Daud: Tongguḷu totokan in tontara: Ki Yoab adí i Zeruya; Momomais in komaḻig: ki Yosapat adí i Ahilud; Imang mita: ki Zadok adí i Ahitub, bo ki Ahimelek adí i Abyatar; Momomais in negara: ki Seraya

SAMUEL 2 8:16 Mawu Ofanana

SAMUEL 2 18:2

Nopaḷut mako kon tua pinotabáneadon in mosia minayá noparang kon bonu in toḷu nopaanan, paanan mita tatua in kon bonu in tongganut i Yoab, i Abisai ki ai-ai Yoab bo Itai intau i Gat. Guman i datu kon intaunea, “Akuoi in mayá doman moyotakin monimu.”

SAMUEL 2 19:13

Ki Daud in nopotabá doman kon i monia moguman kon i Amasa nanaa, “Iko nion in ginaḷumkubi! Pinangkoi kon tanaa mako iko in baḻíonkudon tongguḷu totok in tontaraku momaḷui kon i Yoab. Igumon mako ki Allah in moḻimod kon inakó aka diá aidanku intua!”

SAMUEL 2 2:13

Ki Yoab (inta ki Zeruya in tangoi i inánea) in noyotakin doman in intau i Daud nopobayá doman in kotá tatua. Doyowa nopaanan in noyodungkuḷ kon tabang Gibeon; Ki Abner bo intaunea mita in iḻimitú kon ḷoḷan magí, ki Yoab takin intaunea mita in kon ḷoḷan mako.

SAMUEL 2 8:15

Natuata in nobaḻí ki Daud nomarenta kon bayongan in Israel bo noḷukad sinbá rayatnea in umuran koadilon bo kopiaan in pomomarenta.

DATU MITA 2 18:18

Bo nomaḷú in mosia nogoiní kon i Datu Hizkia. Dá pogawai i Hizkia taya toḷu in iḻumuai nokipodungkuḷ kon i monia. Pogawai taya toḷu tatua in ki Elyakim adí i Hilkia tongguḷu in motoḷuadí kon komaḻig, ki Sebna momomais in negara, bo ki Yoah ki adí i Asap momomais in komaḻig.

DATU MITA 2 18:37

Dá ki Elyakim, ki Sebna, bo ki Yoah in nomerak kon ḷambung monia nobaḻí tomponuot kon morobonoḷ in dodob monia, bo minayá nopotaau intua kon i datu in onu inta ain siningog in porwira in Asyur tatua.