SAMUEL 2 6:19 - Alkitab Singog In Mongondow Masa In Tanaa

¹⁹ Bodongka nosilai kon kaanon kon i monia komintan. Bayongan in intau inta kon tua, ḷoḷaki andeka bobay inogoiannea in ponoyá tumongo bonsig inta inangag, roti bo kukis kismis. Nopaḷut mako kon tua nobuidon in mosia kon baḷoinea-baḷoinea.

SAMUEL 2 6:19 Mawu Ofanana

SAMUEL 2 6:18

Bo sia in nomarakat kon rayat in Israel pinodoyon kon tangoi i Tuhan Inta Totok in Mokawasa.

SAMUEL 2 6:20

Kon tungkuḷ in mobuidon in ki Daud kon komaḻig sin mopoyaput in salam kon motoḷuadínea, iḻumuai in ki Mikhal nokipodungkuḷ kon i Daud bo noguman, “Singgai in naa datu in Israel totu-totuudon nopohoromat kon awaknea tontaní! Nomilangdon in sia naonda bo intau dondunguḷ inta diádon kooyá kon tayowon in ata mita bobay buḷoi in pogawai mita in komaḻig!”

DATU MITA IMITÁNEA 8:66

Kon singgai noginwaḷu pinotabádon i Salomo nobui in intau mita tatua. Mosia komintan in nodayow kon inia bodongka nobui kon baḷoi monia takin pia in gina, sin bayongan in barakat inta ain inogoi i Tuhan kon mogogundoi-Nea ki Daud bo kon bangusa Israel umat-Nea.

TAWARIKH 1 16:3

bo nosilai kon kaanon kon i monia komintan. Kon batúan in intau inta kon tua pinomayá ḷoḷaki andeka bobay nokouḻí kon ponoyá tobonsig inta ain inangag, roti bo kukis kismis.

TAWARIKH 1 16:43

Onda intua nobuidon in bayongan intau kon baḷoinea-baḷoinea. Natua domandon ki Daud nobui sin moindoi kon motoḷuadínea.

TAWARIKH 2 30:24

Ki Datu Hizkia in nobogoi in sapi koḷakian 1.000 bo domba 7.000. Pogawai mita i Hizkia nobogoi in sapi koḷakian 1.000 bo domba 10.000. Bayongan in biag mita tatua inogoi kon rayat sin ratáan bo kaanon. Nobayong totok in imang in nopotusi in awak.

TAWARIKH 2 7:10

bo nopoikoḷomai kon singgai, kon singgai in doyowa nopuḷú botoḷú buḷan noginpitu, ki Salomo nopotabá in intau mita tatua nobui. Nopia in gina monia kon bayongan inta mopia inta inaidan i Tuhan kon bangusa in Israel umat-Nea, kon i Daud bo kon i Salomo.

NEHEMIA 8:10

Pobuidon in tanaa; pongaan bo ponginumdon takin ḷunganga in gina. Ogoidon in tongosilai in kaanon bo anggurmu kon i monia inta diá in kaanon bo inumon. Singgai in naa in singgai inta mokudus kon i Tuhan naton, dá dikadon mokoposusa. Ḷunganga inta inogoi i Tuhan kon i monimu in moginropotbí kon i monimu.”

DONDONG MOḶANTUD 2:5

Iropotaidon in akuoi takin romimit in bungai anggur, posehatdon in akuoi in bungai apel, sin takitku naa in takitbí mokotanob kon batoḷ in dodob.

YEHEZKIEL 45:17

Siabí inta musti motaḷui kon bobiagon inta pakéon kon kuruban payongon bo bahan mita inta mobaḻí kuruban gandum bo kuruban anggur kon bayongan in bangusa in Israel kon singgai mita moḷoben, Singgai moḷoben Buḷan Mobagu, singgai mita in Sabat bo singgai mita moḷoben ibanea. Sia in mustibí moposadia in kuruban potobut kon dosa, kuruban gandum, kuruban payongon, bo kuruban podamean sin mopoigum in ampung kon bangusa in Israel.”

HOSEA 3:1

Ki Tuhan in noguman kon inakó, “Bayádon bui bo kotabi in bobay tobatú inta moibog mokituaḻing. Kotabidon in sia ná doman Akuoi notabi kon intau in Israel umpaka mosia ain nonaḷámai kon i-Nakó bo nosumba kon ilah mita ibanea poḷat doman noposumba in kukis kismis kon berhala.”

OUMAN IN RASUL MITA 20:35

Tua komintan in inaidanku sinbá moiko in moibog dumayan kon i nakó, sin aka kita in mogaid mokoporajing tua in mangaḻenea kita ain notuḷung kon intau mita inta nongoyangkó. Mustibí toropon mako in naa: ‘Mopi-piabí kon mobogoi dika in motarima.’ ”

EPESUS 4:8

Sin kon bonu in Buk Motusi ain pinais nanaa, “Wakutu in Sia namonik in tampat inta totok in moḷantud, Sia nodia kon intau mobayong inta sinokodomok; bo Sia in nobogoi in totabi mita kon intau.”

YOSUA 22:6

Onda intua ki Yosua nomarakat bo poḷat nopotabá kon i monia nobui minayá kon butá monia takin koyow, “Tanaa in moiko nobiagdon nooyúon bo moiko nobui takin nodia kon bobiagon nobarong, saḷaka, buḷawan, bitú, uatoi bo pakeang. Silai-silaidon doman in onu inta inagowmu tua kon parang kon intau mita tongosukumu ibanea.” Dá suku i Ruben, i Gad, bo suku i Manasye inta kon pomukaan kon Yordan tatua nonaḷámaidon kon intau in Israel ibanea, bo nobuat nongkon Silo kon Kanaan nopobayá in butá monia tontaní kon Gilead. Mosia nogutun kon butá tatua podudui in parenta i Tuhan pinongin i Musa. (Tongosilai in suku Manasye ain notarima kon butá nongkon i Musa, butá inta kon ḷoḷan in Ongkag in Yordan, bo tongosilai in suku Manasye ibanea in notarima nongkon i Yosua butá kon dotá in toyopan kon Ongkag in Yordan noyotakin in suku mita ibanea.)