SAMUEL 2 24:15 - Alkitab Singog In Mongondow Masa In Tanaa

¹⁵ Dá ki Tuhan in nopoangoidon in takit kon intau in Israel nongkon doḷo-doḷom nodapot kon wakutu inta ain sinantú-Nea. Kon bayongan in Israel in 70.000 in intau minatoi.

SAMUEL 2 24:15 Mawu Ofanana

SAMUEL 2 24:2

Bo ki Daud in nogumandon kon i Yoab Tongguḷu totokan in tontaranea, “Bayádon takin porwiramu mita kon bayongan in suku Israel bo kon bayongan in butá sin mogiap kon intau. Moibog in akuoi monotaau kon kobayong monia.”

TAWARIKH 1 21:14

Dá pinoangoidon i Tuhan in yampoi takit kon intau in Israel dá 70.000 in intau kon sigad monia tua in minatoi.

TAWARIKH 1 27:24

Ki Yoab ki adí i Zeruya in nomangkoidon nogiap, táe diá kinoḷapatnea, sin ki Allah in nohukum kon intau in Israel popisí in pinogiapan tatua. Manangka intua kobayong monia in diádon kinopaisan kon bonu in buk i Datu Daud.

YESAYA 37:36

Doḷom doman tua malaekat i Tuhan namangoi kon pinononḷoḷaigan in intau in Asyur bo noḻimod kon 185.000 in tontara. Nobangon monik doḷo-doḷom mayat mita monia noiukat magí mako.

HABAKUK 3:2

O Tuhan, dinongogkudon onu inta inaidan-Mu, dá moodom in korasaanku kon gina. Igumon mako aid moḷoben tatua in bui aidan-Mu bo poniata-Mu kon kinobiagan nami naa. Igumon mako kotabi-Mu in kami umpakabí mopatú in gina-Mu.

PINOGIAPAN 25:9

Táe dodai intua ain 24.000 in intau minatoi.

MATIUS 24:7

Sin bangusa bo bangusa mosiparangan bo dodatuan moparang doman takin dodatuan. Moiangoi in wakutu kon bayongan intau kodaitan in kaanon bo ḻinug kon bayongan tampat.

WAHYU 6:8

Bo inontongku in tobatú kabaḷo inta nobilai. Ki inta sinumakoi tua tangoinea in ki Maut. Bo dumuduianmai kon inia in dodatuan popatoi. Tokoar in kawasa kon dunia naa in pinosarakan kon i monia, sinbá mosia in motaau moḻimod popototoi kon parang, malarat bo popototoi kon takit mita bo popototoi kon mahaḷuk mita inta mokokaan kon intau.

SAMUEL 1 6:19

Táe popisí in intau mita in Bet-Semes tatua iḷumongow kon bonu in Poti Dodandian i Tuhan, dá pitu nopuḷú in intau kon sigad monia tua in iḻimod i Tuhan. Bo rayat nonogumatoi sin ki Tuhan nopouma in bodito inta námai tua in koḷoben.