SAMUEL 2 24:14 - Alkitab Singog In Mongondow Masa In Tanaa

¹⁴ Ki Daud in notubag, “Adodoia kaasí ah! Moboditodon in akuoi! Táe dika in akuoi hukumon in intau, dá mopia-piabí kon kita in hukumon i Tuhan, sin moḷoben in tabi-Nea.”

SAMUEL 2 24:14 Mawu Ofanana

SAMUEL 2 9:8

Ki Mepiboset in sinumungkud bui bo noguman, “Onubí in mangaḻe in kobiagan in bobantung naa! Nongonu sin ki Tuang datu in ná domai tua in kopopia kon inakó bobantung naa?”

DATU MITA 2 6:15

Nopoikoḷomai kon singgai, doḷo-doḷom totok naonda in bobantung i Elisa nobangon bo iḻumuai, inontongnea in tontara in Siria nongopung kon kotá tatua notouḷut doman in kabaḷo bo kereta in parang monia. Dá, nobui minayá in sia kon i Elisa bo noguman, “Mobodito in kita, Tuang! Onu in aidan naton?”

TAWARIKH 1 21:13

Ki Daud in notubag, “Kaasí ah, moboditodon in akuoi! Táe dika in hukumon in intau maníka ki Tuhan in mohukum kon inakó sin moḷoben in totabí-Nea.”

MAZMUR 119:156

Totuu moḷoben in totabi-Mu, o Tuhan, posaḷamatpa in akuoi podudui in kooadil-Mu.

MAZMUR 130:4

Táe Iko in moibog mongampung, sinbá intau in mobaḻí motoguondok.

MAZMUR 130:7

Pongamangdon kon i Tuhan, ei umat-Nea, sin Sia in umuranbí motabi, bo umuranbí nosadia moposaḷamat.

MAZMUR 145:9

Sia in mopiabí in gina kon bayongan in intau, bo motabi kon bayongan inta binaḻí-Nea.

MAZMUR 51:1

Kon i itoi in mododondong. Mazmur i Daud

MAZMUR 86:15

Táe Iko, o Tuhan, ki Allah inta motabi bo mopia in gina, mosabar, nopuḻing in tabi bo mosatia.

MAZMUR 86:5

Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

AMSAL 12:10

Intau mopia in umuran monaridi kon bobiagonnea; táe intau moraat in mopogutúbí.

YESAYA 47:6

Koḻipod in Akuoi in sinumorú kon umat-Ku, mosia in inanggap-Kudon deeman Akuoi in kitogi. Mosia in inogoi-Kudon kon inimu, bo iko in diábí notabi kon i monia, nodapot inta nongogoguyangdon totok in dinorotmu takin diá in tabi.

YESAYA 55:7

Igumon mako intau inta moraat in monompiadon kon kobobiagnea, bo momaḷui kon pororainea. Biódon mako in sia in mobui mangoi kon i Tuhan, sinbá mokouḻí kon totabi-Nea. Igumon mako sinbá sia in mamangoi bui kon i Allah naton, sin ki Tuhan in mongampung takin pia in gina.

YEREMIA 39:17

Táe Akuoi, ki Tuhan, in moḷukadbí kon inimu. Iko in diábí ogoi kon intau mita inta kinoondokmu.

OMBAḶ 3:22

Tabi i Tuhan in umur mononoi, totabi-Nea in diábí modai-dait,

DANIEL 9:9

Iko in umuran moibog mongampung bo motabi, umpakabí kami ain noḷawang kon ini-Mu.

YUNUS 4:2

Bo nosambayang in sia. “O Tuhan, aindon pinogumanku muna kon dodai in diápa nobuat nongkon baḷoiku koḻipod, kon notantúbí kon aidan-Mu in nanaa! Tuamai in akuoi bayá-bayádon noḷagui minayá in Spanyol! Kinotaauanku kon Iko in ki Allah inta totok in kototabi bo motanob, mosabar, moḷukó in dodia, bo umuranbí mosadia momaḷui kon tomayá mohukum.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

MIKHA 7:19

Iko in buibí angoian in tabi kon inami bo mongampung kon inami. Dosa mita nami in rita-ritakan-Mubí magí-mako bo pogambat-Mu kon apad in dagat!

ZAKHARIA 1:15

Táe Akuoi in sinumorúdon totok kon bangusa mita inta nokorasa kon moodom bo motompia. Sin kon dodai in pinondam-Ku in torú-Ku kon umat-Ku, yo bangusa mita tatua in nodugang kon roriga in umat-Ku.

YOHANES 12:27

“Moḻia-ḻiaw totok in gina-Ku; onu degá in musti singogon-Ku in tanaa? Musti degá in Akuoi moguman, ‘Amá, potaḻibdon kon i-Nakó in roriga tanaa mako’? Diá! Sin tuabí in mangaḻe in inangoian-Ku.

PILIPI 1:23

Doyowa norupa naa in morigugut kon bonu in ginaku. Moibogdon in akuoi monaḷámai kon dunia naa bo mayá mogutun takin i Kristus, sin tuabí inta totok in mopia;

SAMUEL 1 13:6

Onda intua mosia in nonubudon totok kon intau in Israel, nodapot intau in Israel totokdon in moigupit. Tongonumai in intau mita in Israel nogadopdon kon bonu in angob bo kon bubú mita in buḷud andeka tumuot kon sigad mita in batu karang, andeka kon bonu in parigí bo bubú in butá,