SAMUEL 2 23:22 - Alkitab Singog In Mongondow Masa In Tanaa

²² Tuata in inaidan mita i Benaya, intau tobatú nongkon “Tridasawira”.

SAMUEL 2 23:22 Mawu Ofanana

SAMUEL 2 20:7

Dá kon bonu in tongganut i Abisai, tontara i Yoab bo tontara inta moḷoḷukad kon i datu bo bayongan in tontara ibanea nobuat nongkon Yerusalem sin mogaḷow kon i Seba.

SAMUEL 2 23:20

Porwira tobatú inta ponango-nangoian ibanea in ki Benaya adí i Yoyada intau in Kabzeel. Totok in sia mobarani. Intau doyowa inta totok in mobarani nongkon Moab iḻimodnea. Nokoimontandon in kon dodai in singgai oyúon in oḷú inta mokompo-kompoḷ, sinumuot in sia kon bubú tobatú, bo noḻimod kon singa tobatú kon tua.

SAMUEL 2 23:21

Sia in nokoimontan domandon in noḻimod kon intau in Mesir tobatú, inta motorindog bo kokada-kadai doman in pandong. Ki Benaya in nonayow kon inia tongá nomaké in tungkud. Pandong kokada-kadai intau in Mesir tatua inagownea bo tua in pinakénea pinoḻimod kon intau tatua.

SAMUEL 2 23:23

Kon Paanan tatua ki Benayadon in noiḷontú, táe sia in diábí ná kotoyang in “Triwira”. Ki Daud in noduí kon inia nobaḻí tongguḷu in intau mita moḷoḷukadnea.

SAMUEL 2 8:18

Tongguḷu in moḷoḷukad tontaní i datu: ki Benaya adí i Yoyada; Imang mita kon komaḻig: ki adí mita ḷoḷaki i Daud.