SAMUEL 2 23:21 - Alkitab Singog In Mongondow Masa In Tanaa

²¹ Sia in nokoimontan domandon in noḻimod kon intau in Mesir tobatú, inta motorindog bo kokada-kadai doman in pandong. Ki Benaya in nonayow kon inia tongá nomaké in tungkud. Pandong kokada-kadai intau in Mesir tatua inagownea bo tua in pinakénea pinoḻimod kon intau tatua.

SAMUEL 2 23:21 Mawu Ofanana

SAMUEL 2 23:20

Porwira tobatú inta ponango-nangoian ibanea in ki Benaya adí i Yoyada intau in Kabzeel. Totok in sia mobarani. Intau doyowa inta totok in mobarani nongkon Moab iḻimodnea. Nokoimontandon in kon dodai in singgai oyúon in oḷú inta mokompo-kompoḷ, sinumuot in sia kon bubú tobatú, bo noḻimod kon singa tobatú kon tua.

SAMUEL 2 23:22

Tuata in inaidan mita i Benaya, intau tobatú nongkon “Tridasawira”.

TAWARIKH 1 11:23

Nokoimontan domandon in sia noḻimod kon intau in Mesir inta moḷoben in awaknea, koḷantudnea in noiḻiu kon doyowa nometer. Intau tatua in nomaké in pandong inta moḷoben totok, táe tongá sinayowan i Benaya in bobobak. Pandong inta kokada-kadai in intau in Mesir tatua inagownea bo pinoḻimodnea kon intau tatua.

KOLOSE 2:15

Kon kayu pinoyotaḻempang tatuata pinomia i Kristus in bayongan roho inta nomarenta bo inta nongawasa diádon nokopongonu bui. Mosia in pinomiadon tontonan in bayongan intau kon wakutu in diaan i Kristus in mosia saḷaku intau inta sinokodakop kon pinoramean in kinountungan-Nea.