SAMUEL 2 23:20 - Alkitab Singog In Mongondow Masa In Tanaa

²⁰ Porwira tobatú inta ponango-nangoian ibanea in ki Benaya adí i Yoyada intau in Kabzeel. Totok in sia mobarani. Intau doyowa inta totok in mobarani nongkon Moab iḻimodnea. Nokoimontandon in kon dodai in singgai oyúon in oḷú inta mokompo-kompoḷ, sinumuot in sia kon bubú tobatú, bo noḻimod kon singa tobatú kon tua.

SAMUEL 2 23:20 Mawu Ofanana

SAMUEL 2 1:23

Ki Saul bo ki Yonatan, totuu mopia in pososingog bo kinotabi; umuran motobatú kon bonu in nobiagpa nodapot in minatoidon; mosia in moḻika-ḻikat in ḷagapan garuda, moropo-ropot nongkon singa batánea.

SAMUEL 2 20:23

Naadon in intau mita moḷoben inta dinuí i Daud: Tongguḷu totokan in bayongan tontara in Israel: ki Yoab. Tongguḷu in tontara moḷoḷukad kon i Daud: ki Benaya adí i Yoyada.

SAMUEL 2 23:21

Sia in nokoimontan domandon in noḻimod kon intau in Mesir tobatú, inta motorindog bo kokada-kadai doman in pandong. Ki Benaya in nonayow kon inia tongá nomaké in tungkud. Pandong kokada-kadai intau in Mesir tatua inagownea bo tua in pinakénea pinoḻimod kon intau tatua.

SAMUEL 2 23:22

Tuata in inaidan mita i Benaya, intau tobatú nongkon “Tridasawira”.

SAMUEL 2 8:18

Tongguḷu in moḷoḷukad tontaní i datu: ki Benaya adí i Yoyada; Imang mita kon komaḻig: ki adí mita ḷoḷaki i Daud.

DATU MITA IMITÁNEA 1:26

Táe diábí in sia nogoiní kon inakó. Ki Imang Zadok bo ki Benaya takin ki Salomo in diábí doman inoinínea.

DATU MITA IMITÁNEA 1:38

Dá ki Zadok, ki Natan, ki Benaya bo moḷoḷukad i datu nogumandon kon i Salomo kon tumakoidon kon bagal i datu, bo dinia monia minayá in bokaká in tubig in Gihon.

DATU MITA IMITÁNEA 1:8

Táe ki Imang Zadok, ki Benaya adí i Yoyada, ki Nabi Natan, ki Simei, ki Rei bo moḷoḷukad kon i Datu Daud in doíbí kon i Adonia.

DATU MITA IMITÁNEA 2:46

Naonda in noguman mako natua, ki datu nomarenta kon i Benaya bo minayádon in ki Benaya noḻimod kon i Simei. Tanaaya ki Salomo in nomarentadon totu-totuu kon bonu in dodatuan nea.

TAWARIKH 1 12:8

Kon tungkuḷ in ki Daud kon tampat poḷoḷukadan inta kon padang gurun, nobayong in pojuang inta ponango-nangoian bo inta kopongalaman nongkon suku in Gad namangoi dinumugang kon inia. Mosia tua in pojuang mita inta mongopandoi mopomaké in kaḻeaw bo pandong; mosia tua in koontongan mongobarani komintan naonda bo singa bo ḷoḷampang monia in mokaḻet naonda bo rusa.

YOSUA 15:21

Kotá mita inta totok in moyayú kon dotá in toḷatan, inta nobaḻí kapunyaan i Yohuda, tuata inta noiukat kon pinosigadan in Edom, tua komintan doyowa nopuḷú bo siow in kotá, noituot domandon in ḻipú mita inta kon diugneamai. Kotá mita tatua in: Kabzeel, Eder, Yagur, Kina, Dimona, Adada, Kedes, Hazor, Yitnan, Zip, Telem, Bealot, Hazor-Hadata, Keriot-Hezron (tuata in Hazor), Amam, Sema, Molada, Hazar-Gada, Hesmon, Bet-Pelet, Hazar-Sual, Bersyeba, Baala, Iyim, Ezem, Eltolad, Khesil, Horma, Ziklag, Madmana, Sansana, Lebaot, Silhim, Ain bo Rimon.