SAMUEL 2 22:31 - Alkitab Singog In Mongondow Masa In Tanaa

³¹ Oaidan i Allahku in notompod totok, dandi i Tuhan motaau pirisayaan! Sia in naonda bo kaḻeaw kon bayongan inta namangoi kon i-Nia.

SAMUEL 2 22:31 Mawu Ofanana

SAMUEL 2 22:3

Ki Tuhan in naonda bo poḷoḷukadan inta moropot tampat pogogadopanku. Ki Allahku in naonda bo buḷud batu, tampat pononiunganku. Naonda bo kaḻeaw in Sia mogoḻingoi kon inakó, bo moḷukad kon inakó sinbá umuran mosaḷamat.

NEHEMIA 9:8

Nouḻí-Mu in sia umuran mosatia kon ini-Mu bo motoindudui. Bo inaidan-Mu takinnea in dodandian inta moroton. Butá in Kanaan, Het bo Amori, butá in Peris, Yebus bo Girgasi, tua komintan in ogoi-Mu kon inia; mobaḻí pogogutunan in bayongan buínea. Noiduduimai inintompodan-Mu in dandi tatua kon inia, sin Iko in moadil bo mosatia.

AYUB 34:10

Ei intau mita inta moarip, indongogai! Umpaka dá ki Allah Inta mokawasa totok mogaid kon moitaḷá?

MAZMUR 119:140

Dandi-Mu in motorindog bo motaau pirisayaan, totok in moibog in akuoi intua.

MAZMUR 12:6

Guman i Tuhan, “Intau nobiag nobogá doroton bo intau mororiga mogamui. Dá tanaa doman Akuoi in namangoi mobogoi in kobiagan moodom inta kinoibog monia.”

MAZMUR 145:17

Ki Tuhan in moadil kon bayongan onu in oaidan-Nea bo nopuḻing in tabi kon bayongan in aid-Nea.

MAZMUR 18:30

Iko in nobogoi in ropot kon inakó sin moyompat kon musung; takin totuḷung i Allahku dinangatanku in dinding in musung.

MAZMUR 2:7

Guman i datu, “Akuoi in moibog mopotaau in onu inta ain sinantú i Tuhan. Guman-Nea kon inakó, ‘Iko in ki adí-Ku ḷoḷaki, singgai in naa Akuoi in nobaḻí ki Amámu.

MAZMUR 35:2

Gamádon in piot bo kaḻeaw-Mu, bo sindogdon motuḷung kon inakó.

MAZMUR 84:9

Indongogaipa kaasí in sambayangku, o Tuhan Allah Inta Totok in mokawasa, indongogaipa, o Allah Yakub.

MAZMUR 91:4

Iko in koḷoban-Neabí in koḻikip-Nea, dá moodombí in iko kon bonu in oḻiung-Nea; kososatia-Nea in naonda bo kaḻeaw inta noḷukad kon inimu.

AMSAL 30:5

Ki Allah in nogintompodbí kon bayongan in dandi-Nea. Sia in naonda bo kaḻeaw kon bayongan in intau inta mamangoi moniung kon i-Nia.

MOHOHUTUBA 3:14

Kinotaauanku kon bayongan inta inaidan i Allah in tantúbí mononoi. Intau in diábí motaau modugang andeka monggaat kon tua. Tua in inaidan i Allah sinbá kita in motoguondok kon i-Nia.

DANIEL 4:34

Naonda in pitu notaong inta sinantú tatua noitaḻibdon, iḷumangag in akuoi kon ḷangit, bo nosadardon bui in ginaku. Dá dinayowku in ki Allah Inta Totok in moḷantud. Inuntu bo pinomuliaku in Sia inta nobiag mononoi tua. “Ki Allah in mobaḻí datu modapot in mononoi. Sia in nongawasa modapot in kopaḷutannea.

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

MATIUS 5:48

Manangka intua moiko in musti mogaid kon inta totok in mopia ná ki Amámu inta kon soroga ain nogaid kon inta totok in mopia.”

ULANGAN 32:4

Ki Tuhan in mododuḷumu inta moroton, oaidan-Nea in motonggimok, bo bayongan daḷan-Nea in motuḻid. Ki Allahmu in mosatia, diábí in tombogá kon i-Nia, Sia in nogaid kon onu inta mopia bo totuu.

WAHYU 15:3

Bo mosia in nopodondong in dondong i Musa, mogogundoi i Allah, bo dondong i Adí in Domba. Nanaa in dondong tatua, “Tuhan, Allah Inta Totok in Mokawasa, totuu moḷoben bo mokoherang in bayongan inta inaidan-Mu! Datu in bayongan bangusa, totuu moadil bo mobanar in bayongan oaid-Mu!