SAMUEL 2 22:21 - Alkitab Singog In Mongondow Masa In Tanaa

²¹ Ki Tuhan in notuḻí kon aidku inta moitutui; Sia in nomarakat kon inakó sin akuoi in diá kotaḷá.

SAMUEL 2 22:21 Mawu Ofanana

SAMUEL 2 22:25

Dá ki Tuhan in notuḻí kon aidku inta moitutui sin kinotaauan-Nea kon diá kotaḷá in akuoi.

DATU MITA IMITÁNEA 3:6

Ki Salomo in notubag, “Tuhan, pinoontong-Mudon kon motabibí totok in Iko kon i amáku ki Daud, mogogundoi-Mu tua. Mopia in sia, motuḻid in gina bo mosatia kon ini-Mu. Bo inta nobaḻí tomponuot kon totabi-Mu in mononoi kon inia, dá inogoi-Mudon kon inia in adí ḷoḷaki inta tanaa nomarenta nonoḻiu kon inia.

DATU MITA IMITÁNEA 8:32

o Tuhan, igumon mako indongogan-Mudon nongkon soroga bo tantúdon in pelekara in bobantung-Mu mita tanaa. Hukum inta kotaḷá podudui in oaidnea bo poḷuatdon kon hukuman in intau inta diá kotaḷá.

AYUB 17:9

Intau inta mopia bo inta diá kotaḷá, moyakindon totok kon kobobiagnea mokosanang kon i Allah.

MAZMUR 19:11

Hukum i Tuhan in kon ḻimonikanbí in buḷawan taakan, moromi-romimitbí nongkon biluk taakan.

MAZMUR 24:4

Intau inta diá in bogit in raian bo oaidnea, inta diá nongibot ubo-uboḷ bo diá nosumba kon berhala.

MAZMUR 7:8

Sipundon in bangusa mita kon diug-Mumai, bo kawasaaidon in mosia nongkon tampat pomomarentaan-Mu kon soroga.

AMSAL 11:31

Aka kon dunia naa bo intau mopia in mokouḻí kon tontuḻínea, yo notantú bidon kon intau moraat bo binaradosa in mokouḻíbí kon hukuman.

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!

SAMUEL 1 26:23

Ki Tuhan in momarakat kon bayongan in intau inta mosatia bo motuḻid in gina. Sin umpakabí singgai naa ki Tuhan ain noposarakan kon i Tuangku kon bobantung naa, táe bobantung naa in doíbí momia kon inta moraat kon i Tuang datu, datu inta piniḻí i Tuhan.