SAMUEL 2 21:20 - Alkitab Singog In Mongondow Masa In Tanaa

²⁰ Nobaḻí doman in parang nonayow kon intau in Pilistin kon Gat. Kon tua oyúon in intau tuyá tobatú inta moibog totok moparang. Togogonom in gongguyamú in ḻima bo sioḷnea doyowa nosimpaḷ.

SAMUEL 2 21:20 Mawu Ofanana

SAMUEL 2 21:16

Namangoidon in intau tuyá tobatú inta ki Yisbi-Benob in tangoinea. Pandongnea in pinomia nongkon bitú, kobogatnea in degá toḷu bo tobotak in kilo. Sia in nopogabit doman in kedang mobagu, bo noyakinbí in sia kon mokoḻimodbí kon i Daud.

SAMUEL 2 21:18

Bui doman nobaḻí in parang nonayow kon intau in Pilistin kon Gob. Kon bonu in pinoparangan tatua ki Sibkhai intau in Husa in noḻimod kon intau in tuyá inta ki Sap in tangoinea.

SAMUEL 2 21:21

Sia in noningkuḻe kon intau in Israel, bo tuamai in iḻimod in sia i Yonatan adí i Simea, ki guya-guyang i Daud.

TAWARIKH 1 20:6

Kon pinoparangan ibanea doman kon Gat oyúon in intau tuyá tobatú inta gongguyamú kon batúan in ḻima bo sioḷnea in komintan tumogogonom. Sia in buí in intau tuyá dungkuḷmai.