SAMUEL 2 21:16 - Alkitab Singog In Mongondow Masa In Tanaa

¹⁶ Namangoidon in intau tuyá tobatú inta ki Yisbi-Benob in tangoinea. Pandongnea in pinomia nongkon bitú, kobogatnea in degá toḷu bo tobotak in kilo. Sia in nopogabit doman in kedang mobagu, bo noyakinbí in sia kon mokoḻimodbí kon i Daud.

SAMUEL 2 21:16 Mawu Ofanana

KINOBAḺIAN 14:5

Kon bonu in taong impuḷú boopat, ki Kedorlaomer bo topotakinnea mita namangoi takin tontara monia bo nonaḷow kon intau in Repaim kon Asyterot-Karnaim, intau in Zuzim kon Ham, intau in Emim kon Syawe-Kiryataim,

KINOBAḺIAN 6:4

Kon zaman intua, bo kon noiduduimai kon tua, oyúon in intau mita inta mongo itoi bo mongoḷoben kon dunia naa. Mosia tua in buí in bobay mita inta notonibuḷoi takin i adí mita i allah. Intau mita inta moitoi bo moḷoben tua in mongoroton bo ponango-nangoian kon tungkuḷ intua.

SAMUEL 2 21:18

Bui doman nobaḻí in parang nonayow kon intau in Pilistin kon Gob. Kon bonu in pinoparangan tatua ki Sibkhai intau in Husa in noḻimod kon intau in tuyá inta ki Sap in tangoinea.

SAMUEL 2 21:20

Nobaḻí doman in parang nonayow kon intau in Pilistin kon Gat. Kon tua oyúon in intau tuyá tobatú inta moibog totok moparang. Togogonom in gongguyamú in ḻima bo sioḷnea doyowa nosimpaḷ.

SAMUEL 2 21:22

Intau opat inta iḻimod i Daud bo in tontaranea, in buí in tuyá kon Gat.

SAMUEL 2 5:18

Intau in Pilistin nodapot kon Ḷopá in Repaim bo iḻitúannea.

PINOGIAPAN 13:22

Muna-munamai mosia minayá kon dotá in toḷatan butá tatua bo noiyaput kon kotá in Hebron, tampat pinogutunan in intau mita in Ahiman, Sesai bo Talmai, buí i Enak. Hebron pinosindog noiuna pitu notaong nongkon kotá in Zoan kon Mesir.

PINOGIAPAN 13:28

Táe intau mita inta nogutun kon tua mongoropot. Kotá mita monia nongoḷoben bo iḻibu dininding in tondok. Bo inontong domandon nami in intau mita buí in tuyá kon tua.

ULANGAN 1:28

Dá onubí in mangaḻenea in bayáan naton intua? Intau mita inta pinotabá naton minayá intua nopogogondok doman kon i naton takin noguman kon bangusa tatua in moropo-ropot bo motori-torindog nongkon i naton, bo mosia in nogutun doman kon kotá mita inta tondoknea ná koḷantud in ḷangit. Mosia noguman doman kon nokoontong kon tuyá kon tua!’

ULANGAN 2:10

Tungkuḷ intua Ar iḻitúan intau in Emim. Mosia tua in mongoḷoben bo mongoḷantud, notongkai in intau mita in Enak, bo bangusa in tuyá.

ULANGAN 2:11

Ná intau in Enak, mosia sinangoian doman intau in Repaim, táe aka kon intau in Moab mosia tua sinangoi intau in Emim.

ULANGAN 2:21

Naonda bo intau in Enak, mosia mongoḷoben bo mongoḷantud doman in awak. Mosia totuu mongo ropot, bo mobarong in mosia. Tongá iyopú i Tuhan in mosia, nodapot inagow in intau Amon in butá tatua, bo poḷat pinogutunan monia.

ULANGAN 3:11

Ki Datu Og naa in intau in Repaim inta pangabisan. Poti mayatnea pinomia nongkon batu, kobanatnea in opat nometer bo kooḷadnea in gogió bo doyowa nometer podudui in ukuran inta ain sinantú. Umaai in tanaa motaaupabí indoian kon Raba, kotá in intau in Amon.)

ULANGAN 9:2

Intaunea mita mongoḷoben bo mongotorindog in awak monia; mosia tua in tuyá, bo dinongogdon monimu kon diábí tobatúmai in mokotaḷow kon i monia.

YOSUA 11:22

Diá in tobatúmai in nongkon bangusa in Enak tatua in sinonggagatan kon butá in Israel, tongádon kon Gaza, Gad, bo kon Asdod in oyúonpa.

YOSUA 15:14

Buí i Enak in intau in Sesai, Ahiman bo Talmai. Inuntun i Kaleb in mosia komintan nongkon Hebron.

SAMUEL 1 17:7

Puḷu in pandongnea ná koḷoben in kayu in gogaboḷan, bo mata in pandongnea kobogatnea in degá pitumai nokilo. Tontara tobatú in minayá inumuna kon inia kodia-dia in kaḻeaw.