SAMUEL 2 21:15 - Alkitab Singog In Mongondow Masa In Tanaa

¹⁵ Bui nobaḻí in parang kon sigad in intau in Israel bo intau in Pilistin. Ki Daud bo intaunea in minayá noparang nonayow kon intau in Pilistin. Kon pinoparangan tatua ki Daud inangoian in ḷopí.

SAMUEL 2 21:15 Mawu Ofanana

SAMUEL 2 21:16

Namangoidon in intau tuyá tobatú inta ki Yisbi-Benob in tangoinea. Pandongnea in pinomia nongkon bitú, kobogatnea in degá toḷu bo tobotak in kilo. Sia in nopogabit doman in kedang mobagu, bo noyakinbí in sia kon mokoḻimodbí kon i Daud.

SAMUEL 2 5:17

Naonda in kinodongogan in intau in Pilistin kon ki Daud ain binaḻí datu in Israel, namangoi in mosia sin modomok kon inia. Táe kinodongogan i Daud in soaḷ tatua, bo minayá in sia in poḷoḷukadan.

SAMUEL 2 5:22

Diá noonggot kon tua intau mita in Pilistin bui namangoi bo iḻimitú kon Ḷopá in Repaim.

SAMUEL 2 5:25

Inaidan i Daud onu in pinoki aid i Tuhan, bo kinountunanannea in intau in Pilistin nongkon Geba nodapot kon Gezer.

SAMUEL 2 8:1

Noiduduimai kon tua ki Datu Daud nonubu bui kon intau in Pilistin. Sinaḷownea in mosia bo poḷat nogagow kon butá monia.

TAWARIKH 1 20:4

Degá tongonumai nosinggai nongkon tua nobaḻídon bui in parang nonayow kon intau in Pilistin kon Gezer. Kon pinoparangan tobatú tatua ki Sibkhai intau in Husa noḻimod kon intau tuyá tobatú tangoinea in ki Sipai. Dá intau in Pilistin in sinaḷowdon.

MAZMUR 71:18

O Allah, dika taḷaan in akuoi, modapot in mogoguyang in akuoi bo ubanan, sinbá akuoi in mopotaau in kawasa bo kototoyang-Mu kon bayongan in buí inta moiduduimai.

MAZMUR 71:9

Dikabí ḷumbúon-Mu in akuoi kon tungkuḷ in noguyangdon in akuoi dikabí taḷaan kaasí in akuoi aka ropotku in nodaitdon,

MAZMUR 73:26

Umpaka dimukud bo awakku in moḻemédon, Ikobí in ropotku, o Allah; Ikobí in kapunyaanku modapot in mononoi.

MOHOHUTUBA 12:3

Kokaḷmu mourot bo diádon mokoḷukad. Sioḷmu inta motorindog in mourot diádon in ropot. Bagangmu in diádon motompod in pongokob kon kaanon. Matamu in moyambotdon dá mosindipdon in ontongon.