SAMUEL 2 21:14 - Alkitab Singog In Mongondow Masa In Tanaa

¹⁴ Onda intua tuḷan mita i Saul bo i Yonatan takin tuḷan mita i nayapitu tatua in iḷobong kon bonu in pinoḷobongan kon i Kish ki amá i Saul kon Zela kon butá in Benyamin. Naonda in bayongan tua inaidan podudui in parenta i datu, ki Allah in nokidongog bo notubagdon kon sambayang monia kon kopontingan in butá tatua.

SAMUEL 2 21:14 Mawu Ofanana

SAMUEL 2 21:13

Tuḷan mita i Saul bo i Yonatan tatua in dinia nongkon tua, bo sinipunnea doman in tuḷan mita i nayapitu inta binambé tatua.

SAMUEL 2 24:25

Bo noposindogdon in ki Daud in mezbah kon tua kon i Tuhan bo noposumba in kuruban payongon takin kuruban dodamean. Ki Tuhan in nokidongogdon kon sambayang i Daud, bo nopaḷutdon in yampoi tatua kon Israel.

SAMUEL 2 3:32

Ki Abner iḷobong kon Hebron, bo datu takin rayat noguang totok kon tayowon in pinoḷobongan tatua.

SAMUEL 2 4:12

Nopaḷut mako kon tua nomarentadon in ki Daud kon intaunea noḻimod kon i Rekhab bo kon i Baana. Nopaḷut mako iḻimod, ḻima bo sioḷ monia pinongkó bo binambé kon diug in tabang. Táe uḷu i Isyboset tatua in ginamá bo iḷobong kon kotá tatua doman kon bonu in pinoḷobongan kon i Abner.

YUNUS 1:15

Bo pinogonagdon monia in ki Yunus kon dagat. Dá nogogaidon in deḷang tatua nogupet.

ZAKHARIA 6:8

Onda intua malaekat tatua noguman kon inakó, “Kabaḷo inta minayá in Babel tatua in nopoonow kon torú i Tuhan.”

PINOGIAPAN 25:13

Sia bo buínea in tantúon-Kudon umuran mobaḻí imang, sin sia aindon noramuji totok noguntu kon kahoromatan-Ku, ki Allahnea, bo ain doman nomia kon pondamean kon dosa in intau Israel.”

PINOGIAPAN 25:8

bo inaḷowannea in ḷoḷaki bo bobay tatua kon bonu in ḷoḷaigan. Sinakuḷnea in taya dua tua dá nogogaidon in bodito inta noiantug kon Israel dodai intua.

YOSUA 7:26

Nopaḷut mako kon tua binumbunandon monia in tampat tatua in batu inta mobarong totok bo dapot in tanaa oyúonpa doman intua. Tuamai in tampat tatua in sinangoianpa Ḷopá in Roriga. Dá noobotdon in torú i Tuhan.

SAMUEL 1 10:2

Naonda in iko monaḷámai kon inakó singgai in naa, iko in moyodungkuḷ in intau ḷoḷaki doyowa kon diug in pinoḷobongan kon i Rahel kon Zelzah kon butá in Benyamin. Mosia in mogumanbí kon inimu, nanaa: Keledai mita inta sinayakmu in nouḻídon. Tanaa in diá bidon moḻia-ḻiaw in gina i amámu soaḷ in mahaḷuk mita tatua, tongá umuran moḻibó mongo naonda in pototayaknea kon inimu.”