SAMUEL 2 20:8 - Alkitab Singog In Mongondow Masa In Tanaa

⁸ Naonda in mosia nodapot in batu moḷoben kon Gibeon, ki Amasa namangoi nokipodungkuḷ kon i monia. Kon dodai intua ki Yoab nogiḷambung in ḷambung parang bo nopogabit in kedangnea. Naonda in sia minayá, gumá in kedangnea tatua noḷuat nodapot in kedangnea nopamping kon ḻimanea koḷoigi.

SAMUEL 2 20:8 Mawu Ofanana

SAMUEL 2 2:13

Ki Yoab (inta ki Zeruya in tangoi i inánea) in noyotakin doman in intau i Daud nopobayá doman in kotá tatua. Doyowa nopaanan in noyodungkuḷ kon tabang Gibeon; Ki Abner bo intaunea mita in iḻimitú kon ḷoḷan magí, ki Yoab takin intaunea mita in kon ḷoḷan mako.

SAMUEL 2 3:30

Natuata in pinototuḻí i Yoab bo i Abisai ai-ainea, sin motuḻí kon yaat in gina kon i Abner sin ki Abner in noḻimodon kon i Asael ki ai-ai monia kon pinoparangan kon Gibeon.

MATIUS 3:4

Ki Yohanes nogiḷambung jubah nongkon bubuḷ in unta. Baannea in nongkon kuḻit, kaanonnea in pangkoḷá bo dilú in kayuon.

HAKIM MITA 3:16

Kon singgai tobatú ki Ehud nonontaḷ kon pitow inta noḷanit kon posiḷosi inta kobanatnea in gogió bo tongobotak in meter. Pinogabitnea in pitow tatua kon dotá in koḷanan tongá pinopobuninea kon ḷambungnea,