SAMUEL 2 20:21 - Alkitab Singog In Mongondow Masa In Tanaa

²¹ Tua in deemanbí tomayá nami. Táe intau tobatú inta tangoinea in ki Seba adí i Bikri, inta nongkon buḷud in Epraim, ain nomarontak kon i Datu Daud. Ogoidon in sia, bá mayádon in kami nongkon kotá tanaa.” Guman in bobay tatua, “Uḷu in intau tatua in pogambatdon nami kon i Tuang nongkon dinding tanaa.”

SAMUEL 2 20:21 Mawu Ofanana

SAMUEL 2 20:1

Kon Gilgal oyúon in intau mononuyayow tangoinea in ki Seba. Ki adí i Bikri in sia, nongkon suku in Benyamin. Kon dodai in ki Daud bo intaunea mita namangoi, nogirup in ki Seba kon torompet bo nomaḷú, “Diábí in tondoḷ naton bo i Daud. Onubí in mangaḻenea dumudui in kita kon inia? Ei intau mita in Israel, koḻigai mobui in kita!”

SAMUEL 2 20:2

Bo intau mita in Israel minayá bo nonaḷámai kon i Daud bo dinumudui kon i Seba. Táe intau mita in Yohuda umuranbí nosatia bo sinumakin kon i Daud nongkon Ongkag in Yordan nodapot kon Yerusalem.

SAMUEL 2 20:20

“Deemanbí natua!” tubag i Yoab, “diábí in makusudku momoguyaat andeka morimumud kon kotámu!

SAMUEL 2 23:18

Toḷu nopuḷú in porwira inta ponango-nangoian tatua sinangoian doman “Tridasawira”. Mosia tua in kon bonu in tongganut i Abisai ai-ai i Yoab, adí i Zeruya. Nokoimontandon in sia noḻimod kon 300 in intau tongá nopomaké in pandongnea. Tuamai in nobaḻí in sia ponango-nangoian. Táe sia in diábí ná kotoyang in “Triwira”.

DATU MITA IMITÁNEA 11:26

Intau ibanea inta nomarontak noḷawang kon i Salomo in pogawainea tobatú inta ki Yerobeam in tangoinea. Sia in ki adí i Nebat nongkon Zereda kon Epraim. Ki inánea in dongkadon boba-bobay, ki Zerua in tangoinea.

DATU MITA 2 10:7

Naonda in notarima kon surat i Yehu, guhanga mita in ḻipú in kotá in Samaria tatua noḻimod kon i adí bo ompu i Ahab inta pitu nopuḷú tatua bo uḷu mita monia in binonu kon karansi bo pinoki dia kon i Yehu inta kon Yizreel.

DATU MITA 2 5:22

Ki Gehazi in notubag, “Ampung Tuang, akuoi in pinotabá mopotaau kon i Tuang kon bagupabí in nabi inta nobagupa namangoi nongkon Buḷud in Epraim. Ki Tuangku in moigum sinbá ki Tuang in mobogoidon in doit saḷaka 3.000 bo doyowa no par in ḷambung inta mongopia sin ogoi kon nabi doyowa tatua.”

YEREMIA 4:15

Nongkon kotá in Dan, bo nongkon buḷud in Epraim noiangoidon in totabá mita inta nodia kon habar diá mopia.

YEREMIA 50:19

Popobui-Kubí in intau in Israel mayá in butá monia. Mosia in mokaanbí kon bungai in pinomuḷa kon Buḷud in Karmel bo butá in Basan. Mosia in botuganbí in bungai in pinomuḷa kon butá in Epraim bo Gilead.

YOSUA 24:33

Onda intua ki Eleazar adí i Harun minatoi domandon, bo iḷobong kon Gibea, kotá inta noiukat kon buḷud i Epraim. Kotá tatua ain inogoi kon i Pinehas, adí i Eleazar.

HAKIM MITA 2:9

Sia iḷobong kon butá tonsilainea tontaní, inta Timnat-Serah butá inta kon buḷud in Epraim kon dotá in utuan kon Buḷud in Gaas.

HAKIM MITA 7:24

Bo kon bayongan doman in butá kon buḷud in Epraim, ki Gideon nokidia doman in tongganut tanaa, “Koḻigai mosiḻig bo momarang kon intau in Midian. Ḷukadaidon in Ongkag in Yordan bo bayongan in tapánea modapot kon Bet-Bara. Dika pomayá mako in intau in Midian ḷumoḷan kon tua.” Dá intau mita in Epraim inanutan domandon, bo mosia in noḷukad kon Ongkag in Yordan bo bayongan in tapá nodapot in Bet-Bara.

HAKIM MITA 9:55

Naonda in inontong intau in Israel kon ki Abimelek in minatoidon, mosia nobuidon komintan.

SAMUEL 1 24:6

Táe nopaḷut mako, ki Daud nokorasa noitaḷádon sin ain nomia kon tua.

SAMUEL 1 26:9

Táe ki Daud in noguman, “Dikabí onuonmu in sia! Sinantú bidon i Tuhan kon hukumon-Neabí in intau inta mogaid kon moraat kon datu inta ain piniḻí-Nea.