SAMUEL 2 20:15 - Alkitab Singog In Mongondow Masa In Tanaa

¹⁵ Kinodongogan in intau i Yoab kon ki Seba in kon tua, bo iḻipungdon monia in kotá tatua. Mosia nopomumbun in butá kon ḻibu in dinding ḷuai bo nomangkoidon nongaḻi kon butá inta kon ḻimonag in dinding tatua sin mogumpag kon dinding.

SAMUEL 2 20:15 Mawu Ofanana

SAMUEL 2 20:14

Ki Seba ain noitaḻib kon bayongan butá in suku Israel, bo noyaputdon kon kotá in Abel-bet-Maakha dinuduian in bayongan in ginaḷum i Bikri.

DATU MITA IMITÁNEA 15:20

Noibog in ki Benhadad kon tongganut tatua bo nopotabá in porwiranea mita noyotakin in tontara mita monia minayá nonubu kon kotá mita in Israel. Mosia in nonaḷow kon Iyon, Dan, Abel-Bet-Maakha bo Kinerot kon diug in Danow Galilea bo bayongan in butá in Naptali.

DATU MITA 2 15:29

Kon tungkuḷ in pinomarentaan i Pekah, ki Tiglat-Pileser Datu in Asyur nogagow kon kotá in Iyon, Abel-Bet-Maakha, Yanoah, Kedes, Hazor, butá in Gilead, Galilea bo Naptali. Intau mita inta nogutun kon tua in dinianea doman nobaḻí intau mita inta dinakop bo dinia kon Asyur.

DATU MITA 2 19:32

Naadon inta siningog i Tuhan soaḷ datu in Asyur: ‘Diábí in sia moituot in Yerusalem andeka mopopiot in piotnea potaná kon kotá tatua. Tontara mita inta nomaké in kaḻeaw in diábí moidiug kon kotá tatua, bo kon ḻibuneamai in diábí poposindogan in ambong sin pongopungan.

MOHOHUTUBA 9:14

Oyúon in kotá mointok tobatú inta noyakag in intaunea. Kon singgai tobatú datu moḷoben tobatú namangoi nonubu kon kotá tatua. Kinopungnea bo nosadiadon mondangat kon dindingnea.

YESAYA 37:33

Naa in pinoguman i Tuhan soaḷ ki datu in Asyur. ‘Sia in diábí moituot kon Yerusalem andeka mopopiot in piot kon kotá tatua. Tontara mita inta nomaké in kaḻeaw diábí moidiug kon kotá tatua, bo kon ḻibuneamai in diábí in poposindogan in dinding poḻipungan.

YEREMIA 32:24

Intau mita in Babel ain noposindog in dinding mita pongopungan kon ḻibu mita in kotá sin mogagow, bo tanaa mosia in nonubu. Parang, gogoy, bo yampoi in takit in mokopopisí kon kotá tanaa moḷabú kon ḻima monia. Iko in nokoontong kon bayongan inta pinoguman-Mu in noniatadon.

YEREMIA 33:4

Komaḻig i datu in Yohuda bo baḷoi mita kon kotá in Yerusalem ain kinokai sin moginropot kon poḷukadan kon pinongopungan bo pinonubuan in musung. Táe Akuoi, ki Tuhan, Allah in Israel, noguman kon

YEREMIA 6:6

Ki Tuhan Inta Totok in mokawasa ain nomarenta kon mongongawasa mita tatua sinbá momupuḷ kon pangkoi mita in kayu bo moposindog in tombuḷud mita poḷukadan sin monubu kon Yerusalem. Ki Tuhan in noguman, “Kotá tanaa in hukumon-Ku sin kon bonunea in inaidandon in nobayong totok in aid mopororiga.

YEHEZKIEL 4:2

Bo gambardon in pongopungan kon kotá tatua, takin gotnea mita, butá mita inta pinomumbun, ḷoḷaigan mita bo pakakat mita inta podumpak kon ḻibu mita in dindingnea.

LUKAS 19:43

Sin moiangoibí in wakutunea saturumu mamangoi moḻipung kon inimu takin ropot monia. Kopungon bo sisíon monia in moiko nongkon bayongan tampat.