SAMUEL 2 20:14 - Alkitab Singog In Mongondow Masa In Tanaa

¹⁴ Ki Seba ain noitaḻib kon bayongan butá in suku Israel, bo noyaputdon kon kotá in Abel-bet-Maakha dinuduian in bayongan in ginaḷum i Bikri.

SAMUEL 2 20:14 Mawu Ofanana

SAMUEL 2 20:13

Naonda in mayat tatua pinosídon kon daḷan, bayongan in intau nongingguputdon kon bobayáan monia dinumudui kon i Yoab sin mogaḷow kon i Seba.

SAMUEL 2 20:15

Kinodongogan in intau i Yoab kon ki Seba in kon tua, bo iḻipungdon monia in kotá tatua. Mosia nopomumbun in butá kon ḻibu in dinding ḷuai bo nomangkoidon nongaḻi kon butá inta kon ḻimonag in dinding tatua sin mogumpag kon dinding.

DATU MITA IMITÁNEA 15:20

Noibog in ki Benhadad kon tongganut tatua bo nopotabá in porwiranea mita noyotakin in tontara mita monia minayá nonubu kon kotá mita in Israel. Mosia in nonaḷow kon Iyon, Dan, Abel-Bet-Maakha bo Kinerot kon diug in Danow Galilea bo bayongan in butá in Naptali.

DATU MITA 2 15:29

Kon tungkuḷ in pinomarentaan i Pekah, ki Tiglat-Pileser Datu in Asyur nogagow kon kotá in Iyon, Abel-Bet-Maakha, Yanoah, Kedes, Hazor, butá in Gilead, Galilea bo Naptali. Intau mita inta nogutun kon tua in dinianea doman nobaḻí intau mita inta dinakop bo dinia kon Asyur.

TAWARIKH 2 16:4

Ki Benhadad noibog kon onu in pinoigum tatua bo poḷat nopotabá kon porwiranea mita noyotakin in tontara monia minayá nonubu kon kotá mita in Israel. Mosia in nonaḷow kon Iyon, Dan, Abel-Bet-Maakha bo bayongan in kotá mita inta nobayong in tongkaaḷ kon Naptali.

PINOGIAPAN 21:16

Nongkon tua mosia minayá in tampat inta sinangoian Beer, mangaḻenea parigí mita. Kon tua ki Tuhan perna noguman kon i Musa, “Pokisipunaidon in umat; Akuoi mobogoi in tubig kon i monia.”

YOSUA 18:25

Bo mopuḷú doman bo opat in kotá noiduduimai naa takin ḻipú mita inta kon diugneamai, Gibeon, Rama, Beerot, Mizpa, Kepira, Moza, Rekem, Yirpeel, Tarala, Zela, Elep, Yebus (inta Yerusalem), Gibea bo Kiryat-Yearim. Tuata in butá mita inta inogoi kon motoḷuadí mita inta kon bonu in suku i Benyamin sin binaḻí kapunyaan monia.