SAMUEL 2 19:42 - Alkitab Singog In Mongondow Masa In Tanaa

⁴² Bo intau in Yohuda notubag, “Notantú bidon, sin ki datu in ginaḷum nami. Nongonu sin moiko in tumorú bidon? Eta degá inta pinaké nami naa in sadiaan i datu, andeka degá inogoianneadon in tombuinag in kami?”

SAMUEL 2 19:42 Mawu Ofanana

SAMUEL 2 19:12

Bokaka moiko nion in tai utatku bo ginaḷumku? Paka dá moikobí in totok in tumi-tumimai mopoigum sinbá mobui in akuoi?”

SAMUEL 2 19:43

Intau in Israel in notubag, “Hak nami kon i datu in mopuḷú noguntuḷ in koḷobennea nongkon i monimu. Nongonu sin moiko in diábí moindoimai kon inami? Dika koḻiongan kon kamibí naa inta muna-munamai totok noguman kon modiadon bui kon i datu mobui!” Táe intau in Yohuda in motoga-togat in intau in Israel bo doí taḷowon.

SAMUEL 2 2:4

Onda intua intau mita in Yohuda namangoi kon Hebron, bo noduí kon i Daud nobaḻí datu kon Yohuda. Naonda in ki Daud nokodongog kon intau mita in Yabesh kon Gilead noḷobongdon kon i Saul,

SAMUEL 2 5:1

Nopaḷut mako kon tua namangoidon in bayongan itoi in suku mita in Israel kon i Daud kon Hebron bo noguman kon inia, “Kami naa in uputpabí in kompong i Tuang.

HAKIM MITA 8:1

Intau in Epraim noguman kon i Gideon, “Nongonu sin kami in diábí inanutan kon tungkuḷ in iko nobuat sin mayá monubu kon intau in Midian? Nongonu sin pinomiamubí natua in kami?” Natuata in unsingog monia kon i Gideon.