SAMUEL 2 19:39 - Alkitab Singog In Mongondow Masa In Tanaa

³⁹ Onda intua ki Daud bo bayongan in intaunea iḷumoḷandon kon Ongkag in Yordan. Bo ki Daud in nongayok kon i Barzilai bo nogumandon kon mayá, onda intua ki Barzilai in nobuidon kon baḷoinea.

SAMUEL 2 19:39 Mawu Ofanana

KINOBAḺIAN 14:19

Bo ki Melkisedek in nomarakat kon i Abram, kainia, “Poigumon mako ki Allah inta Totok in Moḷantud, inta ain nomaḻí kon ḷangit bo butá, momarakat kon i Abram!

KINOBAḺIAN 28:3

Poigumon mako ki Allah Inta Totok Mokawasa momarakat kon tonibuḷoimu bo mobogoi kon inimu in adí bo ompu inta mobarong, dapot in iko mobaḻídon bangusa inta mobarong!

KINOBAḺIAN 31:55

Nobangon monik doḷo-doḷom, ki Laban nongayokdon kon i adí bo kon i ompunea saḷaku tanda moyogapídon, poḷat sia nomarakat kon i monia, onda intua sia nobuidon kon tampat pinogutunanea.

KINOBAḺIAN 45:15

Onda intua, takin koomba-ombaḷpa, ki Yusup nonggakap kon i utatnea mita bo poḷat doman nongayok kon i monia komintan. Nopaḷut mako kon tua mosia in nomangkoidon nongonguman takinnea.

KINOBAḺIAN 47:10

Onda intua ki Yakub nopoigumdon mayá bo nobogoi in barakat kon poyogapían.

KINOBAḺIAN 47:7

Ki Yusup nodia doman kon i amánea kon tayowon i datu sinbá kotaauan domandon i datu. Ki Yakub nomarakat kon i datu,

SAMUEL 2 13:25

Táe ki datu in notubag, “Dika, adíku, sin aka kami mamangoi komintan yo kami in mokoposusamaidon kon inimu.” Tongá umuran in ki Absalom momakisa, táe ki amánea in tantúbí doman doí mamangoi. Tongábí inogoinea in sia nomia kon tua.

SAMUEL 2 14:33

Onda intua minayádon in ki Yoab kon tayowon i Datu Daud bo nopotaau in oigum i Absalom. Bo ki datu in nogoiní kon i Absalom, bo ki Absalom in namangoi sinumungkud kon tayowon i datu. Bo sinontomu in sia inayokan i datu.

SAMUEL 2 19:38

Ki datu in notubag, “Ki Kimham in diaanku bo tompiaanku ná inta kinoibogmu, bo bayongan inta pinoigummu intompodanku.”

SAMUEL 2 6:18

Bo sia in nomarakat kon rayat in Israel pinodoyon kon tangoi i Tuhan Inta Totok in Mokawasa.

SAMUEL 2 6:20

Kon tungkuḷ in mobuidon in ki Daud kon komaḻig sin mopoyaput in salam kon motoḷuadínea, iḻumuai in ki Mikhal nokipodungkuḷ kon i Daud bo noguman, “Singgai in naa datu in Israel totu-totuudon nopohoromat kon awaknea tontaní! Nomilangdon in sia naonda bo intau dondunguḷ inta diádon kooyá kon tayowon in ata mita bobay buḷoi in pogawai mita in komaḻig!”

DATU MITA IMITÁNEA 19:20

Dá ki Elisa in nonaḷámaidon kon sapinea mita tatua bo noribatuk in nogaḷow kon i Elia, poḷat noguman, “Ogoiaipa in wakutu akuoi mayá moguman kon guyangaku, bain tua bo dumudui in akuoi kon i Amá.” Tubag i Elia, “Aidaidon. Diábí in akuoi mongampag kon inimu.”

PINOGIAPAN 24:25

Bo nosadiadon in ki Bileam mobui kon tampat pinogutunannea, bo ki Balak in minayá domandon.

LUKAS 2:34

Ki Simeon nomarakat kon i monia bo noguman kon i Maria ki iná in Adí tatua, “Adí tanaa aindon piniḻí i Allah sin momutú bo moposaḷamat kon moantó intau Israel. Sia in mobaḻí tanda nongkon i Allah, inta bayowan in moantó intau,

OUMAN IN RASUL MITA 20:37

Mosia in nongombaḷ komintan poḷat nonggakap bo nongayok kon i Paulus bo noguman kon inia kon mokopopiadon in kon daḷan.

TESALONIKA 1 5:26

Aher mako poyaputpa in salam nami kon bayongan utat pinodoyon kon totabian saḷaku intau inta mopirisaya kon i Kristus.

RUT 1:14

Ki Rut bo ki Orpa bui nongombaḷ totok onda intua ki Orpa nopoigumdon mobui poḷat nongayok kon i guyánea bodongka nobui in sia. Táe ki Rut in doíbí monaḷámai kon i guyánea tatua.

SAMUEL 1 24:22

Tanaa in podandidon kon inakó podoyon kon i tuhan, kon diábí ḻimodonmu in bui ku, bo diábí doman momopat kon tangoi in motoḷuadíku!”