SAMUEL 2 19:37 - Alkitab Singog In Mongondow Masa In Tanaa

³⁷ Mopaḷut mako, pomayádon mako in bobantung mobui kon baḷoiku bo matoi kon diug in pinoḷobongan kon guyangaku, táe naa in ki adíku ki Kimham. Ogoidon in sia dumudui kon i Tuang datu bo popoaidon kon inia onu inta mopia kon mata i Tuang Datu.”

SAMUEL 2 19:37 Mawu Ofanana

KINOBAḺIAN 47:30

Ibogonku in ḷobongonbí in akuoi kon tampat inta pinoḷobongan kon mogoguyangku; diádon in mayatku nongkon butá tanaa bo ḷobongdon kon tampat poḷoḷobongan kon i monia.” Bo ki Yusup notubag, “Aidankubí onu inta pinoguman i amá tatua.”

KINOBAḺIAN 48:21

Bo ki Yakub nogumandon kon i Yusup, “Ná inta inontongmu tanaa, wakutuku matoi nodiugdon, táe ki Allah in motuḷungbí kon i monimu bo modia bui kon i monimu mayá in butá in mogoguyangmu.

KINOBAḺIAN 50:13

Mosia in nodia kon mayatnea pinobayá in Kanaan bo iḷobong kon bonu in angob in Makhpela, kon dotá in pomukaan kon Mamre, kon gobá inta ain sinaḷui i Abraham kon i Epron intau in Het tatua, sin baḻíon poḷoḷobongan.

SAMUEL 2 19:36

Bobantung naa in diábí patus motarima kon tondan inta ná tatua in koḷoben. Akuoi naa in tongábí moibog moyotakin kon i Tuang datu mayá tongonumai noḷangkad nongkon ḷoḷan in Ongkag in Yordan.

SAMUEL 2 19:38

Ki datu in notubag, “Ki Kimham in diaanku bo tompiaanku ná inta kinoibogmu, bo bayongan inta pinoigummu intompodanku.”

SAMUEL 2 19:40

Bayongan tontara in Yohuda bo tongobotak in tontara in Israel sinumakin kon i datu iḷumoḷan kon ongkag. Noiduduimai kon tua ki datu minayádon ná Gilgal, bo ki Kimham in dinumudui kon inia.

DATU MITA IMITÁNEA 13:22

Iko in nobuidon bo nongaan bo nonginum, bokaka iko in diábí ogoi in momia kon tua. Tuamai in iko in ḻimodonbí, bo awakmu in diábí ḷobongon kon poḷoḷobongan in motoḷuadímu.”

DATU MITA IMITÁNEA 2:7

Táe aka kon i adí mita ḷoḷaki i Barzilai nongkon Gilead kopia kaasí kon i monia. Musti ogoianmu in onu inta pakéon monia muḷoi in singgai, sin mosia in nopoaidon inta mopia kon inakó kon tungkuḷ in akuoi noḷagui kon i guya-guyangmu, ki Absalom.

YEREMIA 41:17

Mosia in noondokdon komintan kon intau in Babel, popisí in ki Ismael ain noḻimod kon i Gedalya inta dinuí i datu in Babel nobaḻí gubernur kon butá tatua. Dá, noḷagui in mosia minayá in Mesir. Kon yuak in daḷan, nogogai in mosia kon Kimham kon diug in Betlehem.

TIMOTIUS 2 4:6

Aka soaḷ akuoi, yo naadon i wakutu matoi saḷaku kuruban kon i Allah. Diádon moonggot monaḷámaidon kon dunia naa in akuoi.

YOSUA 23:14

Tanaa in wakutukudon matoi. Moiko komintan, in nonotaaudon totu-totuu kon ki Tuhan Allahmu ain nobogoi kon inimu in bayongan inta mopia inta pinodandi-Nea. Bayongan inta pinodandi-Nea ain inintompodan-Nea, diá tobatúmai in kinoḻiongan-Nea.

PETRUS 2 1:14

Sin kinotaauanku bidon kon diá bidon moonggot in akuoi bo matoi, sin pinotaau bidon notarang i Tuhan Yesus Kristus kon inakó intua.