SAMUEL 2 19:36 - Alkitab Singog In Mongondow Masa In Tanaa

³⁶ Bobantung naa in diábí patus motarima kon tondan inta ná tatua in koḷoben. Akuoi naa in tongábí moibog moyotakin kon i Tuang datu mayá tongonumai noḷangkad nongkon ḷoḷan in Ongkag in Yordan.

SAMUEL 2 19:36 Mawu Ofanana

SAMUEL 2 19:35

Umurku ain waḷu nopuḷú notaong, bo diá bidon in motaau mobogoi in inta mokosanang kon inakó. Diá bidon konanamanku in onu inta kaanonku andeka inta inumonku, bo diá domandon kodongoganku in singog in intau modondong. Akuoi in tongádon mokopororigamai kon i Tuang datu.

SAMUEL 2 19:37

Mopaḷut mako, pomayádon mako in bobantung mobui kon baḷoiku bo matoi kon diug in pinoḷobongan kon guyangaku, táe naa in ki adíku ki Kimham. Ogoidon in sia dumudui kon i Tuang datu bo popoaidon kon inia onu inta mopia kon mata i Tuang Datu.”

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

MOHOHUTUBA 12:1

Toropbí in ki Inta nomaḻí kon inimu kon tungkuḷ in iko nobagupa, kon dodai in diápa moiangoi in taong mita inta mopuḻing in roriga. Kon tungkuḷ intua iko in moguman, “Kobiaganku in diá mokosanang.”

LUKAS 6:38

Pobogoibí kon intau ibanea; sinbá ogoian doman i Allah in moiko moiḻiu kon inta inogoimu kon intau ibanea.”