SAMUEL 2 19:35 - Alkitab Singog In Mongondow Masa In Tanaa

³⁵ Umurku ain waḷu nopuḷú notaong, bo diá bidon in motaau mobogoi in inta mokosanang kon inakó. Diá bidon konanamanku in onu inta kaanonku andeka inta inumonku, bo diá domandon kodongoganku in singog in intau modondong. Akuoi in tongádon mokopororigamai kon i Tuang datu.

SAMUEL 2 19:35 Mawu Ofanana

SAMUEL 2 13:25

Táe ki datu in notubag, “Dika, adíku, sin aka kami mamangoi komintan yo kami in mokoposusamaidon kon inimu.” Tongá umuran in ki Absalom momakisa, táe ki amánea in tantúbí doman doí mamangoi. Tongábí inogoinea in sia nomia kon tua.

SAMUEL 2 15:33

Ki Daud in noguman kon inia, “Aka iko dumudui kon inakó, yo iko in mobaḻídon in dugang in raianku.

SAMUEL 2 19:36

Bobantung naa in diábí patus motarima kon tondan inta ná tatua in koḷoben. Akuoi naa in tongábí moibog moyotakin kon i Tuang datu mayá tongonumai noḷangkad nongkon ḷoḷan in Ongkag in Yordan.

AYUB 12:11

Naonda bo diláku moibog monanam kon kaanon inta mopia, natua doman in bongoḷanku moibog mokidongog kon tosingogon.

AYUB 6:30

Degá kai monimukamai dá nonguboḷbí in akuoi, diá motaau mopoyoposi kon inta mopia bo inta moraat?

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

IḶUAIAN 12:4

Aka tombonu in baḷoi tua moyakag dapot in diádon mokodait kon ki adí in domba tobatú, dá mosia tua takin topodiugmai inta totok in modagin in motaaudon moyotakin mokaan kon ki adí in domba tatua. Ki adí in domba tatua musti silaion podudui in kobayong in intau inta mokaan.

IḶUAIAN 2:8

“Mopia,” tubag in adí bobay i datu. Dá minayádon in mongodeaga tatua nogoiní kon i iná in adí tatua tontaní.

MOHOHUTUBA 2:8

Sinipunku in saḷaka bo buḷawan inta inogoi saḷaku iba in datu mita inta kon butá inta kon bonu in kawasaku. Mododondong ḷoḷaki bo bobay moposanang in ginaku pinongin dondong mita monia. Oyúon doman in pahang mita tongonukabí in koibogku.

IBRANI 5:14

Aka kaanon notogat, tua in ogoi kon intau inta noguyangdon in raiannea bo inta nobayongdon in kinoyitakannea bo inta kinorasaannea, sahingga motaaudon in sia mopoyoposi kon onu inta mopia bo onu inta moraat.

PETRUS 1 2:3

Sin kon Buk Motusi ain pinais nanaa: “Kopopia i Tuhan kinorasaan bidon monimu.”