SAMUEL 2 19:31 - Alkitab Singog In Mongondow Masa In Tanaa

³¹ Ná doman tua in ki Barzilai intau in Gilead tua namangoi nongkon Rogelim sin moyotakin i datu ḷumoḷan kon Ongkag in Yordan.

SAMUEL 2 19:31 Mawu Ofanana

SAMUEL 2 19:30

Bo ki Mepiboset in notubag, “Pomayádon mako gamáan komintan i Ziba. Nosanangdon in gina in bobantung naa sin ki Tuang datu in nobuidon takin nosaḷamat.”

DATU MITA IMITÁNEA 2:7

Táe aka kon i adí mita ḷoḷaki i Barzilai nongkon Gilead kopia kaasí kon i monia. Musti ogoianmu in onu inta pakéon monia muḷoi in singgai, sin mosia in nopoaidon inta mopia kon inakó kon tungkuḷ in akuoi noḷagui kon i guya-guyangmu, ki Absalom.

EZRA 2:61

Tongonumai in inanakan motoḷuadí in imang in diá doman mokouḻí kon tangoi mita in mogoguyang monia, tuata in inanakan i Habaya, i Hakos bo i Barzilai. (Mogoguyang in inanakan i Barzilai notonibuḷoi takin in bobay tobatú buí in inanakan i Barzilai kon Gilead, bo noiduduimai kon tua nomaké in sia in tangoi in motoḷuadí i nunutonnea.) Popisí in mosia diá nokoponiata kon ki ine in mogoguyang monia, dá mosia in diá sinarima nobaḻí imang.

NEHEMIA 7:63

Bo oyúon doman in tongonumai in motoḷuadí in imang inta diádon nokouḻí kon pinomaisan kon tangoi in mogoguyang monia. Inanakan mita tatua in ki Habaya, ki Hakos bo ki Barzilai. (Mogoguyang tobatú in inanakan i imang Barzilai in notonibuḷoi takin bobay buí in inanakan i Barzilai kon Gilead bo onda intua sia in nomaké in tangoi in motoḷuadí i nunutonnea.) Popisí in mosia diá nokoogoi in bukti mongo ki ine in mogoguyang monia, dá diá in mosia sinarima nobaḻí imang.