SAMUEL 2 19:29 - Alkitab Singog In Mongondow Masa In Tanaa

²⁹ Ki Datu in notubag, “Diá bidon paraḷu in iko mosingog kon onu bo onu. Akuoi in nonantúdon kon mobogoi in bayongan kapunyaan i Saul kon inimu bo kon i Ziba.”

SAMUEL 2 19:29 Mawu Ofanana

SAMUEL 2 19:28

Bayongan inanakan motoḷuadí i amáku in patusbí hukumon matoi i Tuang datu, táe bobantung naa in inogoidon i Tuang datu mongaan moyotakin kon komaḻig. Tanaa in diádon kobaḻí in bobantung naa moigum kon onu bo onu kon i Tuang datu.”

SAMUEL 2 19:30

Bo ki Mepiboset in notubag, “Pomayádon mako gamáan komintan i Ziba. Nosanangdon in gina in bobantung naa sin ki Tuang datu in nobuidon takin nosaḷamat.”

SAMUEL 2 9:2

Motoḷuadí i Saul ko ata tangoinea in ki Ziba, bo pinotabá in sia namangoi kon tayowon i Datu Daud. Ki Datu in noḻibó, “Iko nion degá in ki Ziba?” “Oo, Tuang datu,” tubagnea.

SAMUEL 2 9:7

Ki Daud in noguman, “Dika moondok. Akuoi in motuḷung bo motabibí kon inimu sin motabi in akuoi kon i Yonatan ki amámu. Bayongan in butá i ḷakimu ki Saul, in ogoikudon bui kon inimu bo kinoouputbí in kinobiaganmu motaaubí in iko mongaan kon komaḻig.”

SAMUEL 2 9:9

Bo inoiní i datu in ki Ziba inta ata i Saul tatua, bo noguman, “Bayongan inta sinaḷáan i Saul bo motoḷuadínea in ogoikudon kon i ompu i tuangmu naa.

MAZMUR 101:5

Intau inta umuni-uni moponapud in uboḷ in putúanbí. Intau inta moḷoḷatú bo motosiḷantud in diábí pomayáku mako.

MAZMUR 82:2

“Dika bidon monisig takin tombogá, bo dika dumotá kon intau moraat.

AMSAL 18:13

Motubag kon dodai in diápa mokidongog in aidbí inta mobodok bo mokooyá.

OUMAN IN RASUL MITA 18:15

Táe naa bo tongábí bobayowan kon soaḷ onu in sinundú andeka hukum agama inta pinaké kon sigad monimu, dá tua in urusanbí monimu tontaní, akuoi in doíbí mobaḻí hakim kon soaḷ mita natua!”